अनधिकृत बाल संस्था सुरु असल्यास नागरिकांनी महिला व बालविकास विभागास कळविण्याचे आवाहन

महिला व बालविकास अधिकारी मनिषा बिरारीस याने आवाहन 

marathinews24.com

पुणे – नागरिकांनी आपल्या परिसरात अनधिकृत बाल संस्था सुरु असल्यास जिल्हा महिला व बालविकास अधिकारी किंवा चाईल्ड हेल्पलाईन टोल फ्री क्रमांक १०९८ तसेच जिल्हा महिला व बालविकास अधिकारी, आंबेडकर चौक,येरवडा दुरध्वनी क्र. ०२०-२६१३६८७१, ई मेल jimba@yahoo.com वर संपर्क साधावा, असे आवाहन महिला व बालविकास अधिकारी मनिषा बिरारीस यांनी केले आहे.

मान्सून काळात बांधकाम कामगारांची काळजी घेण्याचे आवाहन – सविस्तर बातमी 

पुणे जिल्ह्यातील आळंदी आणि ठाणे जिल्ह्यातील खडवली येथे बेकायदेशीर बालगृह, वसतीगृह आणि अनाथाश्रम चालविले जात असल्याचे प्रकार समोर आले आहेत. या संस्थामध्ये बालकांना डांबून ठेवले जात असून त्याचे शारिरीक, मानसिक व लैंगिक शोषण होत असल्याच्या घटना उघडकीस आल्या आहेत. याबाबींचा विचार करता बालकांवरील अपराधांना प्रतिबंध करण्यासाठी नागरिकांनी सहकार्य करावे.

याबाबी बालन्याय (मुलांचे काळजी व संरक्षण) अधिनियम, २०१५ आणि सुधारित अधिनियम २०२१ तसेच महाराष्ट्र राज्य बालन्याय (मुलांचे काळजी व संरक्षण) नियम, २०१८ मधील तरतुदींचे उल्लघंन करणाऱ्या आहेत. या कायद्यानुसार मान्यता, नोंदणी प्रमाणपत्र नसलेल्या संस्था चालविणाऱ्या व्यक्तीस एक वर्षाचा कारावास आणि एक लाख रुपये किंवा त्याहुन अधिक दंडाची तरतूद आहे, असे श्रीमती बिरारीस यांनी प्रसिद्धी पत्रकान्वये कळविले आहे.