मटका अड्ड्यावर छापा, अमली पदार्थ विक्रेते गजाआड
marathinews24.com
पुणे – बेकायदा धंद्याविरुद्ध कारवाई करण्यासाठी परिमंडळ सातचे पोलीस उपायुक्त अबिानश कुमार यांच्या मार्गदर्शनाखाली ‘मिशन क्रॅकडाऊन’ ही मोहीम सुरू केली आहे. या मोहिमेतंर्गत वडगाव शेरी, विमाननगर भागातील मटका अड्ड्यावर छापा टाकला, तसेच मेफेड्रोन विक्री प्रकरणात दोघांना अटक केली.
खासगी शिकवणीत गुंतवणुकीच्या आमिषाने ज्येष्ठाची फसवणूक – सविस्तर बातमी
‘मिशन क्रॅकडाऊन’ मोहिमेअंतर्गत गुन्हेगारी टोळ्या, गावठी दारू, अमली पदार्थ विक्री, मटका अड्ड्यांवर कारवाईचे आदेश पोलीस उपायुक्त अबिनाश कुमार यांनी दिले आहेत. वडगाव शेरीतील साईनाथनगर भागात सुरू असलेल्या मटका अड्ड्यावर विसेष पथकाने छापा टाकला. या कारवाईत पोलिसांनी तीन दुचाकी, सहा मोबाइल, जुगाराचे साहित्य असा दोन लाख ३१ हजार रुपयांचा मुद्देमाल जप्त केला. या प्रकरणी नऊ जणांविरुद्ध गु्न्हा दाखल करुन त्यांना ताब्यात घेण्यात आले. चंदननगर पोलिसांकडून या प्रकरणाचा तपास करण्यात येत आहेत.
वाघोली परिसरात मेफेड्रोन विक्री प्रकरणात दोघांना अटक करण्यात आली आहे. त्यांच्याकडून १५ ग्रॅम मेफेड्रोन जप्त करण्यात आले. या प्रकरणी तुषारा बाबासाहेब म्हस्के (वय २६), राजाभाऊ ज्ञानदेव यादव (वय २७) यांना अटक करण्याात आली. या प्रकरणी वाघोली पोलीस ठाण्यात गु्न्हा दाखल करण्यात आला आहे. विमाननगर भागात एका मटका अड्ड्यावर पोलिसांनी कारवाई केली. या कारवाईत रोकड, तसेच अन्य साहित्य असा मुद्देमाल जप्त करण्यात आला.
‘गुन्हेगारी टोळ्या, गुटखा, गावठी दारू, अमली पदार्थ विक्री, जुगार अड्डे याबाबत नागरिकांना काही महिती द्यायची असल्यास त्यांनी परिमंडळ सातचे पोलीस उपायुक्त अबिनाश कुमार (मोबाइल क्रमांक – ८८०२००७९३८), विशेष पथकातील सहायक पोलीस निरीक्षक गोरक्षनाथ खराड (मोबाइल क्रमांक- ९९२२७१७९९९), उपनिरीक्षक नितीन राठोड (मोबाइल क्रमांक – ९९२२७४४५९९) यांच्याशी संपर्क साधावा. तक्रारदाराचे नाव गोपनीय ठेवण्यात येईल’, असे आवाहन पोलीस उपायुक्त अबिनाश कुमार यांनी केले आहे.
