ज्यादा व्याजदराचे आमिष दाखवून ठेवीदारांची फसवणूक केल्याचा आरोप
marathinews24.com
पुणे – ठेवींवर जादा व्याजदराचे आमिष दाखवून छत्रपती मल्टिस्टेट को-ऑप क्रेडीट साेसायटी, गेवराईचे अध्यक्ष संतोष बसवंत भंडारी यांच्यासह साथीदारांविरुद्ध हडपसर पोलीस ठाण्यात गुन्हा दाखल करण्यात आला आहे. या प्रकरणात फसवणूक झालेल्या ठेवीदारांनी आवश्यक त्या कागदपत्रांसह पुणे पाेलिसांच्या आर्थिक गुन्हे शाखेकडे तक्रार करावी, असे आवाहन करण्यात आले आहे.
सराफी पेढीच्या भिंतीला छिद्र पाडून चोरी – सविस्तर बातमी
ठेवींवर जादा व्याजदराचे आमिष दाखवून फसवणूक केल्या प्रकरणी छत्रपती मल्टिस्टेट को-ऑप क्रेडीट सोसायटी, गेवराईचे अध्यक्ष संतोष बसवंत भंडारी (रा. मिलिनियम पार्क, छत्रपती संभाजीनगर) यांच्यासह प्रतिनिधींविरुद्ध (एजंट) हडपसर पोलीस ठाण्यात गुन्हा दाखल करण्यात आला आहे. या प्रकरणी भंडारी यांच्यासह प्रतिनिधींविरुद्ध फसवणूक, तसेच महाराष्ट्र ठेवीदारांचे हितसंबंधांचे संरक्षण अधिनियमान्वये (एमपीआयडी) गुन्हा दाखल करण्यात आला आहे.
प्रकरणाचा तपास पुणे पोलिसांच्या आर्थिक गुन्हे शाखेकडे (इओडल्ब्यू) सोपविण्यात आला आहे. ठेवीदारांनी आवश्यक त्या कागदपत्रांसह पुणे पोलिसांच्या आर्थिक गुन्हे शाखेकडे तक्रार करावी. ठेवीदारांनी आर्थिक गुन्हे शाखेत हजर रहावे, असे आवाहन आर्थिक गुन्हे शाखेचे सहायक पोलीस निरीक्षक दिनेशकुमार पाटील यांनी केले आहे.
