रूग्ण मृत्यूप्रकरणी गुन्हा दाखल
marathinews24.com
पुणे – कोरेगाव पार्क भागातील एका रुग्णालयात उपचारांसाठी दाखल झालेल्या रुग्णावर उपचार करताना हलगर्जीपणा केल्याचा ठपका ठेवून दोन डाॅक्टरांविरुद्ध गुन्हा दाखल करण्यात आला आहे. याप्रकरणाची ससून रूग्णालयातील वैद्यकीय तज्ज्ञांच्या समितीने चौकशी केल होती. चौकशी अहवाल मिळाल्यानंतर पोलिसांनी गुन्हा दाखल केला.
पुण्यात बोअरवेलमुळे मेट्रो मार्गेकेवर पाणी गळती – सविस्तर बातमी
डाॅ. नीलेश कोद्रे, तसेच आणखी एका डाॅक्टरांविरुद्ध गुन्हा दाखल करण्यात आला आहे. याबाबत उर्मिला प्रवीण म्हस्के (वय ३०, रा. संत गाडगेमहाराज वसाहत, कोरेगाव पार्क) यांनी कोरेगाव पार्क पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, प्रवीण म्हस्के यांची प्रकृती बिघडल्याने त्यांना ऑगस्ट २०२४ मध्ये कोरेगाव पार्क भागातील एका खासगी रुग्णालयात दाखल करण्यात आले होते. २० ऑगस्ट रोजी म्हस्के यांचा उपचारादरम्यान मृत्यू झाला. डाॅक्टरांच्या हलगर्जीपणामुळे पतीचा मृत्यू झाल्याचा आरोप पत्नी उर्मिला म्हस्के यांनी फिर्यादीत केला होता.
त्यांनी दिलेल्या तक्रारीनुसार ससून रुग्णालयातील वैद्यकीय तज्ज्ञांच्या समितीने रुग्ण मृत्यू प्रकरणाची सखोल चौकशी केली. चौकशीत डाॅक्टर दोषी आढळल्याने पोलिसांनी याप्रकरणी गुन्हा दाखल केला आहे, अशी माहिती पोलिसांनी दिली. सहायक पोलीस निरीक्षक जितेद्र खैरनार तपास करत आहेत.
