सुदैवाने जीवितहानी टळली; आगीचे कारण अद्याप अस्पष्ट
marathinews24.com
पुणे – धावत्या इलेक्ट्रॉनिक मोटारीला आग लागल्याची घटना सोमवारी रात्री आठच्या सुमारास नवले पुलाजवळील भूमकर पुलावर घडली. सुदैवाने आगीत कोणीही जखमी झाले नसून, घटनास्थळी अग्निशमन दलाच्या जवानांसह पोलिसांनी धाव घेतली.आगीमुळे परिसरात खळबळ उडाली होती. काही काळ महामार्गावर धुराचे मोठे लोट पसरल्याने वाहतूक बंद करण्यात आली होती.
वडिलांच्या खूनाचा घेतला बदला, टोळीला अटक – सविस्तर बातमी
अग्निशमन दलाच्या जवानांनी दिलेल्या माहितीनुसार, संबंधित इलेक्ट्रॉनिक मोटार चालक रात्री आठच्या सुमारास भूमकर पुलावरून पुढे जात होता. त्यावेळी त्याला गाडीच्या बोनेटमधून धूर येत असल्याचे दिसून आले. त्यामुळे त्याने गाडी रस्त्यात उभी करून बाजूला गेला. त्यानंतर काही वेळातच गाडीने पेट घेतला. घटनेची माहिती मिळताच नऱ्हे पोलीस ठाण्याचे अधिकारी व कर्मचारी, अग्निशमन दल, महामार्ग प्रशासनाचे पथक तातडीने घटनास्थळी दाखल झाले. अग्निशमन दलाकडून आगीवर नियंत्रण मिळविण्याचे शर्थीचे प्रयत्न करण्यात आले.
आगीच्या पार्श्वभूमीवर सुरक्षेचा उपाय म्हणून महामार्गावरील वाहतूक काही काळ थांबण्यात आली होती. त्यामुळे दोन्ही बाजूंना वाहनांच्या लांबच लांब रांगा लागल्या होत्या. दरम्यान, आग लागण्याचे नेमके कारण अद्याप स्पष्ट झालेले नाही. सुदैवाने या घटनेत कोणतीही जीवितहानी झाली नाही.
