उत्तमनगर पोलिस ठाण्यात गुन्हा दाखल
marathinews24.com
पुणे – मोबाईलवर अज्ञात लिंक किंवा ‘एपीके’ फाईल पाठवून त्याद्वारे मोबाईलचा ताबा मिळवत एका तरुणाची ५० हजार रुपयांची आर्थिक फसवणूक करण्यात आली आहे. याप्रकरणी गणेश हनुमंत काकडे (वय ३१, रा. कुडजे) याने फिर्याद दिली असून, अज्ञात मोबाईल धारक आणि बँक खातेधारकांविरुद्ध उत्तमनगर पोलिस ठाण्यात गुन्हा दाखल केला आहे. दि. २४ एप्रिलला सकाळी साडे नऊ वाजण्याच्या सुमारास हा प्रकार घडला.
नीट २०२६ पेपरफुटी प्रकरणी पुण्यात संताप; छावा संघटनेचे आंदोलन – सविस्तर बातमी
आरोपीने फिर्यादीच्या मोबाईलवर एक ‘एपीके’ फाईल पाठवली. फिर्यादीने ती फाईल उघडताच आरोपीने त्यांच्या मोबाईलचा ताबा मिळवला आणि खात्यातून ५० हजार रुपये परस्पर वळवून घेतले. तांत्रिक विश्लेषणाच्या आधारे पोलीस या ऑनलाईन चोराचा शोध घेत आहेत.
स्वस्त दरात ‘हज’ यात्रेचे आमिष, २१ लाखांचा गंडा
हज यात्रा स्वस्त दरात करून देण्याच्या बहाण्याने ७० ते ८० गुंतवणूकदारांची २१ लाख ५० हजार रुपयांची फसवणूक केल्याप्रकरणी ट्रॅव्हल्स कंपनीच्या मालकांविरुद्ध गुन्हा दाखल करण्यात आला आहे. याप्रकरणी शेहजाद मोहम्मद इस्लाम शेख (वय ३४, रा. कोंढवा) यांनी फिर्याद दिली असून, अमीर सरदार शेख (वय ३८), मिस्बा अमीर शेख (वय ३५) आणि रसाबीर रियाज शेख (वय ३८) यांच्याविरुद्ध कोंढवा पोलिस ठाण्यात गुन्हा दाखल करण्यात आला आहे. आरोपींनी ‘अलखली फाटुर्स अँड ट्रॅव्हल्स’ या कंपनीच्या माध्यमातून स्वस्त दरात हज आणि उमरा यात्रेच्या जाहिराती केल्या होत्या. दि. १९ मार्च २०२६ ते १५ मे २०२६ दरम्यान आरोपींनी ७० ते ८० लोकांकडून यात्रेसाठी आगाऊ रक्कम जमा केली. मात्र, प्रत्यक्षात यात्रा न घडवता किंवा पैसे परत न करता २१ लाख ५० हजार रुपयांची आर्थिक फसवणूक केली.
