चोरट्यांविरुद्ध गुन्हा दाखल
marathinews24.com
पुणे – भरदिवसा सदनिकेचे कुलूप तोडून चोरट्यांनी सहा लाख ७२ हजार रुपयांचा ऐवज लांंबविल्याची घटना सिंहगड रस्त्यावरील नऱ्हे भागात घडली. या प्रकरणी चोरट्यांविरुद्ध गुन्हा दाखल करण्यात आला. याबाबत संपत अशोकराव पाठक (वय ४१, रा. नऱ्हे) पोलीस ठाण्यात फिर्याद दिली आहे. पोलिसांनी दिलेल्या माहितीनुसार, तक्रारदाराचे सासरे हे नऱ्हे भागातील साईशांती सोसायटीत राहायला आहेत. ४ जून रोजी ते दुपारी तीनच्या सुमारास सदनिका बंद करुन बाहेर पडले. चोरट्यांनी सदनिकेचे कुलूप तोडले. शयनगृहातील कपाट उचकटून चोरट्यांनी कपाटातील सोन्याचे दागिने, रोकड असा सहा लाख ७२ हजार रुपयांचा ऐवज लांबविला. घरफाेडीचा प्रकार उघडकीस आल्यानंतर पोलिसांकडे तक्रार देण्यात आली. पोलिसांनी सोसायटीतील सीसीटीव्ही चित्रीकरण तपासले असून, चित्रीकरणात तीन चोरटे दिसून आले आहेत. पोलीस उपनिरीक्षक घाडगे तपास करत आहेत.
सोसायटीच्या प्रशासकाने केली ३२ लाखांची फसवणूक – सविस्तर बातमी
हडपसर येथील फुरसुंगी भागातील एका सदनिकेतून चोरट्यांनी लॅपटाॅप आणि मोबाइल असा ९६ हजार रुपयांचा ऐवज लांबविल्याचा प्रकार उघडकीस आला आहे. या प्रकरणी चोरट्यांविरुद्ध गु्न्हा दाखल करण्यात आला आहे. याबाबत संदेश एम. एस. (वय २६, सध्या रा. झोलो विसडम सोसायटी, फुुरसुंगी) यांनी फुरसुंगी पोलीस ठाण्यात फिर्याद दिली आहे. संदेश हे मूळचे कर्नाटकातील म्हैसुरचे आहेत. चोरट्यांनी सदनिकेतून लॅपटाॅप आणि मोबाइल चाेरुन नेल्याची घटना नुकतीच घडली. पोलीस उपनिरीक्षक खंदारे तपास करत आहेत.
