नोकरीच्या बनावट ऑफरने तरुणाला १ लाख २२ हजारांचा गंडा
marathinews24.com
पुणे – माहिती-तंत्रज्ञान कंपनीत नोकरीच्या आमिषाने एकाची एक लाख २२ हजार रुपयांची फसवणूक करण्यात आली. या प्रकरणी सायबर चोरट्यांविरुद्ध पोलिसांनी गुन्हा दाखल केला आहे. याबाबत एकाने वारजे माळवाडी पोलीस ठाण्यात फिर्याद दिली आहे.
पुण्यात अल्पवयीनावर गाेळीबार करणारा गुंड अटकेत – सविस्तर बातमी
पोलिसांनी दिलेल्या माहितीनुसार, तक्रारदार हे वारजे माळवाडी भागात राहायला आहेत. सायबर चोरट्यांनी त्यांच्या मोबाइल क्रमांकावर संदेश पाठविला होता. पुण्यातील नामवंत माहिती-तंत्रज्ञान कंपनीत नोकरीची संधी, असे आमिष चोरट्यांनी त्यांना दाखविले होते. त्यानंतर त्यांनी चोरट्यांशी संपर्क साधला. नोकरीसाठी सुरुवातीला काही रक्कम जमा करावी लागेल, असे चोरट्यांनी त्यांना सांगितले. चोरट्यांच्या खात्यात वेळोवेळी एक लाख २२ हजार रुपये त्यांनी वेळोवेळी जमा केले. नोकरीबाबत विचारणा त्यांनी केली. तेव्हा आरोपींचे मोबाइल क्रमांक बंद असल्याचे लक्षात आले. गुन्हे शाखेच्या पोलीस निरीक्षक सुवर्णा हुलवान तपास करत आहेत.
परदेशी चलनाच्या आमिषाने १४ लाखांची फसवणूक
परदेशी चलन देण्याच्या आमिषाने एका तरुणाची १४ लाख रुपयांची फसवणूक करण्यात आली. या प्रकरणी पाच जणांविरुद्ध गुन्हा दाखल करण्यात आला आहे. याबाबत एका तरुणाने बाणेर पोलीस ठाण्यात फिर्याद दिली आहे. पोलिसांनी दिलेल्या माहितीनुसार, आरोपींशी तरुणाची ओळख झाली होती. परदेशी चलन (अमेरिकन डाॅलर) स्वस्तात देण्याचे आमिष दाखवून आरोपींनी त्याला जाळ्यात ओढले. त्यानंतर तरुणाकडून आरोपींनी वेळोवेळी १४ लाख रुपये घेतले. फसवणूक झाल्याचे लक्षात आल्यानंतर तरुणाने नुकतीच पोलिसांकडे तक्रार दिली. सहायक पोलीस निरीक्षक गणेश रायकर तपास करत आहेत.
