गुन्हा दाखल केल्याच्या रागातून आरोपींचे कृत्य
marathinews24.com
पुणे – भांडणातून दाखल केलेला गुन्हा मागे घेण्यासाठी महिलेला मोटारीची धडक देऊन जिवे मारण्याचा प्रयत्न करण्यात आल्याची धक्कादायक घटना येरवडा भागात घडली. याप्रकरणी येरवडा पोलिसांकडून तिघांविरुद्ध गुन्हा दाखल करण्यात आला आहे. याप्रकरणी मोटार चालकासह तिघांविरुद्ध गुन्हा दाखल करण्यात आला आहे. धडकेत वसुधा धनंजय गरड (वय २९, रा. महाराष्ट्र हाऊसिंग बोर्ड, येरवडा) जखमी झाल्या आहेत. त्यांनी येरवडा पोलीस ठाण्यात फिर्याद दिली आहे.
पुण्यात शेअर बाजारात गुंतवणुकीच्या आमिषाने १२ काेटीची फसवणूक – सविस्तर बातमी
पोलिसांनी दिलेल्या माहितीनुसार, दुचाकीस्वार वसुधा गरड गुरुवारी (११ जून) दुपारी दीडच्या सुमारास येरवड्यातील शांतिरक्षक सोसायटी परिसरातून निघाल्या होत्या. त्या वेळी आराेपी त्यांच्या मागावर होते. शांतिरक्षक सोसायटीच्या प्रवेशद्वारासमोर मोटारीने दुचाकीला धडक दिली. ‘आमच्याविरुद्ध दाखल केलेला गु्न्हा मागे घे. आता तू वाचली आहे. पुढच्या वेळी काटा काढू’, अशी धमकी देऊन आरोपी मोटारीतून पसार झाले, असे गरड यांनी फिर्यादीत म्हटले आहे. पोलीस निरीक्षक खेडकर तपास करत आहेत.
