दुर्घटनेस जबाबदार ठरल्या प्रकरणी ठेकेदाराविरुद्ध गुन्हा दाखल
marathinews24.com
पुणे – नियोजित गृहप्रकल्पात काम करताना तोल जाऊन पडल्याने बांधकाम मजूर तरुणाचा मृत्यू झाल्याची घटना कात्रजमधील आंबेगाव भागात घडली. मजुराला सुरक्षाविषयक साधने न पुरविता दुर्घटनेस जबाबदार ठरल्या प्रकरणी ठेकेदाराविरुद्ध गुन्हा दाखल करण्यात आला.
जोतीराम राजाराम शेवाळे (मूळ रा. उमदी, ता. जत, जि. सांगली) असे मृत्युमुखी पडलेल्या मजुराचे नाव आहे. याबाबत शेवाळे याचे चुलतभाऊ याबाबत रामचंद्र सदाशिव शेवाळे यांनी आंबेगाव पोलीस ठाण्यात फिर्याद दिली आहे.
खंडणीसाठी व्यापार्याचे अपहरण करणाऱ्या सराइतांना बेड्या – सविस्तर बातमी
पोलिसांनी दिलेल्या माहितीनुसार, जोतीराम हा आंबेगाव परिसरातील एका नियोजित गृहप्रकल्पाच्या ठिकाणी काम करत होता. सोमवारी (२३ मार्च) तळमजल्यावरील चरात (डक्ट) तो मृतावस्थेत सापडला. इमारतीच्या गच्चावरील काही भाग अर्धवट उघडा होता. तेथे काम करत असताना जोतीराम हा तोल जाऊन पडल्याने त्याचा मृत्यू झाला. ठेकेदाराने सुरक्षाविषयक साधने न पुरविल्याने दुर्घटना घडल्याचे जोतीराम याचे चुलतभाऊ रामचंद्र यांनी फिर्यादीत म्हटले आहे. या घटनेची माहिती मिळताच वरिष्ठ पोलीस निरीक्षक शरद झिने यांनी घटनास्थळी भेट दिली.
