फुरसुंगी पोलिस ठाण्यात गुन्हा दाखल
marathinews24.com
पुणे – Mahindra Thar Fraud Pune : स्वतःच्या मालकीची नसलेली महिंद्रा थार विकण्याचे सांगून एका महिलेची सात लाख ६० हजार रुपयांची फसवणूक केल्याचा आरोप आहे. पैसे घेऊनही व्यवहार पूर्ण केला नाही आणि रक्कम परत केली नसल्याची तक्रार आहे. याप्रकरणी संतोष कृष्णा भोसले (फुरसुंगी परिसर) यांच्यावर फुरसुंगी पोलिस ठाण्यात गुन्हा दाखल करण्यात आला आहे. याबाबत प्राची संतोष भोसले (फुरसुंगी परिसर) यांनी फिर्याद दिली आहे.
स्वारगेट मेट्रोसमोर ७५ हजारांचा मोबाईल हिसकावला – सविस्तर बातमी
पोलिसांनी दिलेल्या माहितीनुसार, एप्रिल २०२५ पासून दि. २४ ऑक्टोबर २०२६ पर्यंत फुरसुंगी परिसरात हा प्रकार घडला. (Mahindra Thar Fraud Pune) महिंद्रा थार विक्रीसाठी असल्याचे भासवून आरोपीने फिर्यादीकडून सात लाख ६० हजार रुपये घेतले. मात्र, पैसे घेतल्यानंतर वाहनाचा व्यवहार पूर्ण केला नाही किंवा रक्कम परत दिली नाही, असे फिर्यादीत नमूद आहे. या कालावधीतील नेमकी वेळ नोंदीत दिलेली नाही.
पैसे परत करूनही सोन्याचे दागिने मिळाले नाहीत
सोन्याचे दागिने परत न केल्याप्रकरणी फुरसुंगीतील एका व्यक्तीविरुद्ध फसवणुकीचा गुन्हा दाखल झाला आहे. दागिने तारण ठेवल्यानंतर रक्कम परत करूनही दागिने मिळाले नसल्याची फिर्याद आहे. याप्रकरणी लक्ष्मण रावळ (फुरसुंगी परिसर) यांच्यावर फुरसुंगी पोलिस ठाण्यात गुन्हा दाखल करण्यात आला आहे. याबाबत दुर्गा दिगंबर खडका (पुणे) यांनी फिर्याद दिली आहे.
पोलिसांनी दिलेल्या माहितीनुसार, दि. २१ सप्टेंबर २०२३ पासून दि. २४ ऑक्टोबर २०२६ पर्यंत हा प्रकार घडला. गरज असल्याने फिर्यादीने ३२ ग्रॅम वजनाचे, अंदाजे तीन लाख रुपये किमतीचे सोन्याचे दागिने आरोपीकडे ठेवले. त्यानंतर दागिने सोडवण्यासाठी दोन लाख दोन हजार रुपये परत करूनही आरोपीने दागिने दिले नसल्याचे फिर्यादीत नमूद आहे.
