६ दुचाकी जप्त, वारजे माळवाडी पोलिसांची कामगिरी
marathinews24.com
पुणे – मौजमजा करण्यासाठी पैसे मिळावेत, यासाठी दुचाकींची चोरी करणार्या अल्पवयीनाला वारजे माळवाडी पोलिसांनी ताब्यात घेतले आहे. त्याच्याकडून वारजे माळवाडीतील दोन आणि अलंकार पोलीस ठाण्याचा एक असे मिळून तीन गुन्हे उघडकीस आणून, ६ दुचाकी जप्त केल्या आहेत.
हांडेवाडी चौकात ४ फर्निचर दुकानांना भीषण आग – सविस्तर बातमी
वारजे माळवाडी पोलीस ठाण्याचे पथक हद्दीत पेट्रोलिंग करीत होते. त्यावेळी गणपती माथा परिसरात एकजण संशयितरित्या दुचाकीवर थांबलेला पथकाला दिसून आला. पोलीस उपनिरीक्षक संजय नरके यांनी संबंधिताला दुचाकीच्या कागदपत्रांची विचारणा केली. अधिक चौकशीत त्याने दुचाकी चोरल्याची कबुली दिली. ही कामगिरी एसीपी सुजाता तानवडे,वरिष्ठ पोलीस निरीक्षक महेश बांळकोटगी, पोलीस निरीक्षक प्रकाश धेंडे, उपनिरीक्षक संजय नरळे, अमित शेलार, बालाजी काटे, योगेश वाघ, शरद पोळ, सागर कुंभार, अमित जाधव, सत्यजित लोंढे, गणेश शिंदे, महादेव शिंदे, अमोल सुतकर, निखील तांगडे यांनी केली आहे.
