कर्मचाऱ्यासह सायबर गुन्हेगारावर गुन्हा
marathinews24.com
पुणे – मार्केटयार्ड कृषी उत्पन्न बाजार समितीच्या पेट्रोल पंपाच्या बँक खात्याचा गैरवापर करून ऑनलाइन फसवणुकीचा प्रकार उघडकीस आला आहे. या बँक खात्यात ऑनलाइन सायबर फसवणुकीतील सुमारे ७ लाख १९ हजार रुपये स्वीकारण्यात आली होती. या प्रकरणी मार्केटयार्ड पोलिसांनी गुन्हा दाखल केला आहे. ४३ वर्षीय व्यक्तीने तक्रार दिली आहे. त्यावरून सुनील सुंदरराव मोर (रा. लोणी काळभोर), मोहन भरत सोनार (रा. गुलटेकडी) आणि करण चौधरी यांच्यावर गुन्हा दाखल केला आहे. अद्याप कोणालाही अटक करण्यात आली नाही.
उपाहारगृहातून रोकड, मोबाइल चोरीला – सविस्तर बातमी
पोलिसांनी दिलेल्या माहितीनुसार, पेट्रोल पंपावरील व्यवस्थापकाने संशयितांच्या सांगण्यावरून ऑनलाइन फसवणुकीतून आलेली रक्कम पेट्रोल पंपाच्या बँक खात्यात स्वीकारली. त्यानंतर ही रक्कम इतर आरोपींकडे वर्ग करण्यात आली. पेट्रोल पंपाच्या खात्याचा वापर करून फसवणुकीची रक्कम फिरवण्यात आल्याने हा प्रकार गंभीर मानला जात आहे. पोलिसांकडून पुढील तपास सुरू आहे.
