३ कार्यकर्ते जखमी
marathinews24.com
पुणे – पीएमपी बसने मंडळाच्या ट्रॅक्टर ट्राॅलीला धडक (PMP Bus Accident) दिल्याची घटना मंगळवार पेठेतील लोहपुरुष सरदार वल्लभाई पटेल चौकात (मालधक्का) घडली. अपघातात ट्राॅलीत बसलेले मंडळाचे तीन कार्यकर्ते जखमी झाले. याप्रकरणी पीएमपी बस चालक शिवा गजानन धोत्रे (वय २६, सध्या रा. लोणीकंद, पुणे अहिल्यानगर रस्ता, मूळ रा. उकळी पेन, जि. वाशीम) याच्याविरुद्ध गुन्हा दाखल करण्यात आला आहे. साखळीपीर तालीम मंडळाचे पदाधिकारी शिवराज रवींद्र माळवदकर (वय २७) यांनी बंडगार्डन पोलीस ठाण्यात फिर्याद दिली आहे.
पुण्यात १२ वर्षीय मुलीवर अत्याचार; सफाई कर्मचार्याला अटक – सविस्तर बातमी
पोलिसांनी दिलेल्या माहितीनुसार, शनिवारी दुपारी गणेश विसर्जन मिरवणुकीनंतर साखळीपीर तालीम मंडळाची ट्रॅक्टर ट्राॅली मंगळवार पेठेतील शाहीर अमर शेख चौकातून मालधक्का चौकाकडे निघाली होती. संगम पार्कसमोर भरधाव पीएमपी बसने ट्रॅक्टर ट्राॅलीला पाठीमागून धडक (PMP Bus Accident) दिली. अपघातात ट्राॅलीत बसलेले कार्यकर्ते कुणाल सुरेश पवार (वय २२), धनराज अतुल आवटे (वय २२), सौरभ प्रकाश तोंडे (वय २४) यांना दुखापत झाली.
