वेश्याव्यवसाय प्रवृत्त केल्याप्रकरणी महिलेविरुद्ध गुन्हा
marathinews24.com
पुणे – शहरातील मार्केटयार्ड भागात मसाज पार्लरच्या नावाखाली सुरू असलेल्या वेश्या व्यवसायावर पोलिसांनी छापा टाकला. कारवाईत पोलिसांनी मसाज पार्लरमधून तरुणींना ताब्यात घेतले. तरुणींना वेश्या व्यवसायास प्रवृत्त केल्याप्रकरणी एका महिलेविरुद्ध गुन्हा दाखल करण्यात आला. वैशाली रंगनाथ विसपुते (वय ३१, सध्या रा. टिळेकरनगर, कोंढवा, मूळ रा. तळणी, ता. सिल्लोड, छत्रपती संभाजीनगर) असे गुन्हा दाखल केलेल्या महिलेचे नाव आहे. पोलीस हवालदार अश्रृबा मोराळे यांनी स्वारगेट पोलीस ठाण्यात फिर्याद दिली आहे.
शिकवणीच्या नावाखाली शाळकरी मुलीवर अत्याचार – सविस्तर बातमी
मार्केटयार्डातील सोसायटीत आरोपी वैशाली विसपुते ही वसुंधरा आयुर्वेदिक मसाज सेंटर चालवित होती. मसाज सेंटरच्या नावाखाली तेथे वेश्याव्यवसाय सुरू होता. मसाज सेंटरमधील तरुणींना पैशांचे आमिष दाखवून विसपुते त्यांना वेश्या व्यवसायास प्रवृत्त करत असल्याची माहिती स्वारगेट पोलिसांना मिळाली. मंगळवारी (२३ सप्टेंबर) दुपारी साडेचारच्या सुमारास पोलिसांनी बनावट ग्राहक पाठवून मसाज सेंटरमध्ये वेश्याव्यवसाय सुरू असल्याची खातरजमा केली. त्यानंतर पोलिसांनी तेथे छापा टाकला. कारवाईत मसाज पार्लरमधील तरुणींना ताब्यात घेण्यात आले. वरिष्ठ पोलीस निरीक्षक यशवंत निकम तपास करत आहेत.
