अज्ञात पादचाऱ्याचा जागीच मृत्यू
marathinews24.com
पुणे – डंपरच्या धडकेत पादचाऱ्याचा मृत्यू झाल्याची घटना महापालिका भवन परिसरात घडली. याप्रकरणी डंपर चालकाविरुद्ध गु्न्हा दाखल करण्यात आला. अपघातात मृत्युमुखी पडलेल्या पादचाऱ्याची ओळख पटलेली नाही. याप्रकरणी डंपर चालक आनंद सुरेश ठाकरे (वय २६, रा. साधू वासवानी उड्डाणपुलाजवळ, क्वीन्स गार्डन) याच्याविरुद्ध गुन्हा दाखल करण्यात आला आहे. याबाबत पोलीस उपनिरीक्षक गणेश बेडीवाल यांनी शिवाजीनगर पोलीस ठाण्यात फिर्याद दिली आहे.
खासगी शिकवणीत गुंतवणुकीच्या आमिषाने ज्येष्ठाची फसवणूक – सविस्तर बातमी
पोलिसांनी दिलेल्या माहितीनुसार, डंपर चालक ठाकरे हा १९ जुलै रोजी रात्री नऊच्या सुमारास महापालिका भवन परिसरातून निघाला होता. पीएमपी थांब्याजवळ डंपरने पादचाऱ्याला धडक दिली. अपघातात पादचारी गंभीर जखमी झाला. उपचारांपूर्वीच त्याचा मृत्यू झाल्याचे वैद्यकीय तज्ज्ञांनी सांगितले. अपघात प्रकरणात डंपर चालक ठाकरे याला ताब्यात घेण्यात आले. ठाकरे याच्याकडे चारचाकी वाहन चालविण्याचा परवाना नसल्याची माहिती चौकशीत मिळाली. अपघातात मृत्यमुुखी पडलेल्या पादचाऱ्याची ओळख पटलेली नाही. ताे फिरस्ता असावा, अशी शक्यता पोलिसांनी व्यक्त केली. पोलीस उपनिरीक्षक अमोल ओमासे तपास करत आहेत.
