शिवाजीनगर पोलिस ठाण्यात गुन्हा दाखल
marathinews24.com
पुणे – बस प्रवासादरम्यान गर्दीचा फायदा घेऊन ज्येष्ठ महिलेच्या हातातील ७० हजार रुपयांची सोन्याची बांगडी चोरी करण्यात आली. शिवाजीनगर ते डेक्कन जिमखाना प्रवासात हा प्रकार घडला. याप्रकरणी अज्ञात व्यक्तीवर शिवाजीनगर पोलिस ठाण्यात गुन्हा दाखल करण्यात आला आहे. याबाबत सुनीता रमेश वाघचौरे (वय ६४, रा. राजश्री अपार्टमेंट, फ्लॅट क्रमांक एक, बालेवाडी हायस्ट्रीट, पुणे) यांनी फिर्याद दिली आहे.
शेअर बाजारात गुंत‌वणुकीच्या आमिषाने महिलेची ४९ लाखांची फसवणूक – सविस्तर बातमी
तक्रारदार दि. १ ऑक्टोबर २०२६ रोजी सायंकाळी सात वाजून पन्नास मिनिटे ते रात्री साडेआठ वाजण्याच्या दरम्यान वाघचौरे पीएमपीएमएल बसने प्रवास करीत होत्या. बसमधील गर्दीत अज्ञात चोरट्याने त्यांच्या हातातील बांगडी संमतीशिवाय चोरून नेल्याचे फिर्यादीत नमूद करण्यात आले आहे.
दरम्यान, दुसऱ्या घटनेत कामावर जाण्यासाठी बसमध्ये चढत असलेल्या तरुणीच्या खिशातील ६० हजार रुपयांचा मोबाईल चोरी करण्यात आला. कर्वेनगरमधील बस थांब्यावर गर्दीचा फायदा घेऊन चोरट्याने मोबाईल लंपास केला. याप्रकरणी अज्ञात व्यक्तीवर वारजे माळवाडी पोलिस ठाण्यात गुन्हा दाखल करण्यात आला आहे. याबाबत ऋतुजा अशोक विरकर (वय २५, रा. हिंगणे होम कॉलनी, कर्वेनगर, पुणे) यांनी फिर्याद दिली आहे. दि. १७ सप्टेंबर २०२६ रोजी दुपारी साडेबारा वाजता कर्वेनगर ब्रिजखालील बस थांब्यावर विरकर कामावर जाण्यासाठी बसमध्ये चढत होत्या. त्‍यावेळी त्‍यांचा मोबाईल चोरी करण्यात आला.
