अल्पवयीन ताब्यात
marathinews24.com
पुणे – Pune Crime : शहरातील फुरसुंगी परिसरात बुलेट गाडीच्या सायलेन्सरमधून फटाक्यासारखे आवाज काढून आणि हातात कोयता नाचवून रिल बनवून नागरिकांमध्ये दहशत पसरविणाऱ्या दोघांना गुन्हे शाखा युनिट सहाच्या पथकाने बेड्या ठोकल्या आहेत. याप्रकरणी एका अल्पवयीन मुलाला ताब्यात घेण्यात आले आहे. नागेश अशोक जाधव (वय १९) आणि हनुमान शिवाजी शिसोदे (वय २१, दोघेही रा. सिद्धिविनायक कॉलनी, गंगानगर, पुणे) अशी अटक करण्यात आलेल्या आरोपींची नावे आहेत.
कर्वेनगरात ज्वेलर्समधून सोन्याची चैन चोरीला – सविस्तर बातमी
गुन्हे शाखा युनिट सहाचे पथक हद्दीत गस्त घालत होते. तेव्हा बुलेटचे फटाके फोडून व कोयता दाखवून दहशत माजवणारे काही जण गंगानगर परिसरातील एच. पी. पेट्रोल पंपजवळ थांबल्याची गोपनीय माहिती पोलिस अंमलदार मोरे यांना मिळाली होती. Pune Crime माहितीच्या आधारे पोलिसांनी तात्काळ सापळा रचून आरोपी नागेश, हनुमान आणि अल्पवयीन मुलाला ताब्यात घेतले. त्यांच्याकडून १ लाख रुपयांची बुलेट गाडी, लोखंडी कोयता असा २ लाख ७०० रुपयांचा मुद्देमाल जप्त केला आहे.
पोलिसांच्या आदेशाचा भंग पुणे शहरात सध्या घातक शस्त्र बाळगण्यास बंदीचा आदेश (पोलिस अधिनियम ३७ (१)(२)(३)) लागू असतानाही, आरोपींनी विनापरवाना व बेकायदेशीररीत्या कोयता बाळगून रिल तयार करत शहरात दहशत निर्माण केली. या प्रकरणी फुरसुंगी पोलिसांत भारतीय हत्यार कायदा व महाराष्ट्र पोलीस कायद्यान्वये गुन्हा दाखल केला आहे.ही कारवाई पोलिस आयुक्त गौहर हसन यांच्या मार्गदर्शनाखाली युनिट सहाचे वरिष्ठ पोलीस निरीक्षक संतोष शेटे, सहायक पोलीस निरीक्षक संतोष कदम, उपनिरीक्षक आशिष जाधव यांच्यासह पथकाने केली आहे.
