९ लाख २७ हजारांचा ऐवज जप्त
marathinews24.com
पुणे – गांजा विक्री करणार्‍यासह पुरवठा करणार्‍यांचा काळेपडळ पोलिसांनी पर्दाफाश केला आहे. याप्रकरणी सहा जणांना अटक केली असून, (Pune Crime News) त्यांच्याकडून एक किलो गांजा, साडेआठ लाखांची मोटार, मोबाइल असा ऐवज जप्त केला आहे. पुरवठादार टोळीविरुद्ध कोथरुड, यवत, वानवडी, भिंगार पोलीस ठाण्यातंर्गत विविध गंभीर स्वरुपाचे गुन्हे दाखल आहेत. योगेश प्रल्हाद अडसुळ (वय ४० रा. काळेपडळ, हडपसर) विजय राजू हुबळीकर (वय २९) बबन बाबुराव दांडगे (वय ३९) अशोक उर्फ अक्षय सतीश जाधव (वय २८) साहिल सुभाष ठोंबे (वय २७) विकास संदीप बोदडे (वय २०) यांना अटक केली आहे.
पुण्यात गणेश विसर्जन मिरवणूकीत चोरट्यांचा सुळसुळाट – सविस्तर बातमी
काळेपडळ पोलिसांचे पथक २१ सप्टेंबरला हद्दीत पेट्रोलिंग करत असताना पोलीस अमलदार विशाल ठोंबर, महादेव शिंदे, नितीन ढोले, गिरीराज जगदाळे यांना एसआरपीएफ मैदानाजवळ एकजण संशयित थांबल्याची माहिती मिळाली. त्याच्याकडे गांजा असल्याची माहिती मिळताच पथकाने योगेश अडसुळ याला ताब्यात घेतले. त्याच्याकडून १ किलो ४४ ग्रॅम गांजा जप्त केला. दरम्यान, याप्रकरणाचा तपास एपीआय अमित शेटे करत असताना गांजा पुरवठादारांची माहिती मिळाली. त्यानुसार त्यांनी इतर पाचजणांना ताब्यात घेतले. त्यांच्याकडून मोबाइल, मोटार असा ऐवज जप्त केला.
Pune Crime News गांजा तस्करी करणार्‍या पाचही आरोपीविरुद्ध गंभीर स्वरुपाचे गुन्हे दाखल असल्याचे उघडकीस आले. दरम्यान, संबंधित आरोपींनी आणखी कोठे गांजाची तस्करी केली आहे का, यांची साखळी कुठपर्यंत आहे, याचा तपास पोलिसांकडून केला जात आहे. ही कामगिरी उपायुक्त जीवन बेनीवाल, एसीपी अतुलकुमार नवगिरे, वरिष्ठ पोलीस निरीक्षक गिरीषा निंबाळकर, पोलीस निरीक्षक आण्णासो बाबर, एपीआय रत्नदीप गायकवाड, एपीआय अमित शेटे, राजस शेख, प्रवीण काळभोर, अमोल फडतरे, दाऊद सय्यद, प्रतिक लाहिगुडे, शाहीद शेख, नीलेश देसाई, विशाल ठोंबरे, अतुल पंधरकर, नितीन ढोले, प्रदीप बेडीस्कर, अमोल जाधव यांनी केली.
