विश्रांतवाडीतील रमाबाई आंबेडकर नगरमधील घटना
marathinews24.com
पुणे – Pune Crime News : विश्रांतवाडीत जुन्या भांडणाच्या कारणावरून एका व्यक्तीला शिवीगाळ करून लाथाबुक्क्यांनी मारहाण करण्यात आली. मारहाणीत त्यांचे डोके सिमेंटच्या कट्ट्यावर आपटल्याने दुखापत झाली. याप्रकरणी अभिषेक मानवतकर आणि त्याचा भाऊ (पूर्ण नाव उपलब्ध नाही; दोघेही रा. रमाबाई आंबेडकर नगर, विश्रांतवाडी, पुणे) यांच्यावर विश्रांतवाडी पोलिस ठाण्यात गुन्हा दाखल करण्यात आला आहे. याबाबत राहुल बाबू मासुळ (वय ३३, रा. मच्छी मार्केटच्या पाठीमागे, रमाबाई आंबेडकर नगर, विश्रांतवाडी) यांनी फिर्याद दिली आहे.
गुंतवणुकीच्या आमिषाने २० लाखांची फसवणूक – सविस्तर बातमी
पोलिसांनी दिलेल्या माहितीनुसार, दि. २४ ऑक्टोबर रोजी रात्री दोन ते अडीचच्या दरम्यान रमाबाई आंबेडकर नगरमधील मोकळ्या प्लॉटमध्ये जुने भांडण उकरून आरोपींनी फिर्यादीला शिवीगाळ व मारहाण केली. त्यांचे डोके सिमेंटच्या कट्ट्यावर आपटून जखमी केल्याचे फिर्यादीत नमूद आहे.
घरात घुसून मारहाण; जीवे मारण्याची धमकी
Pune Crime News : उंड्रीतील घरात परवानगीशिवाय प्रवेश करून घरातील वस्तूंची तोडफोड आणि मारहाण केल्याचा प्रकार घडला. फिर्यादीच्या उजव्या हाताचे बोट फ्रॅक्चर झाले असून जीवे मारण्याची धमकी दिल्याची तक्रार आहे. याप्रकरणी ऑस्टिन राजीव कालिया (वय ३५, रा. सी-४, १०३, न्याती एन्क्लेव्ह, उंड्री) आणि विश्वजीत बाळासाहेब कोंडेकर (वय ३८, रा. जय हिंद पार्क, कसबा बावडा, कोल्हापूर) यांच्यावर कोंढवा पोलिस ठाण्यात गुन्हा दाखल करण्यात आला आहे. याबाबत राजीव पृथ्वीराज कालिया (वय ४५, रा. न्याती डिफेन्स एन्क्लेव्ह, उंड्री) यांनी फिर्याद दिली आहे.
पोलिसांनी दिलेल्या माहितीनुसार, दि. २१ ऑक्टोबर रोजी सकाळी दहा वाजता आरोपींनी परवानगीशिवाय घरात प्रवेश केला. घरातील सामान घेऊन गेल्यानंतर तोडफोड केली आणि फिर्यादीला जीवे मारण्याची धमकी देत हाताने मारहाण केली. या हल्ल्यात त्यांच्या उजव्या हाताच्या करंगळीचे हाड मोडून गंभीर दुखापत झाली.
