महिला गजाआड
marathinews24.com
पुणे – सौंदर्य प्रसाधनाच्या आडून सौंदर्य प्रसाधनांची तस्करी करणाऱ्या महिलेला पुणे आंतरराष्ट्रीय विमानतळावर केंद्रीय सीमाशुल्क विभाग (कस्टम) आणि महसूल गुप्तचर यंत्रणेच्या (डीआरआय) पथकाने ताब्यात घेतले. महिलेकडून एक कोटी रुपयांचे चरस जप्त करण्यात आले. अमली पदार्थांची तस्करी प्रकरणात एका महिलेला अटक करण्यात आली आहे. याप्रकरणी महिलेविरुद्ध अमली पदार्थ प्रतिबंधक कायद्यान्वये (एनडीपीएस) गुन्हा दाखल करण्यात आला आहे.
पुण्यात वेगवेगळ्या अपघातांत तिघांचा मृत्यू – सविस्तर बातमी
कस्टमच्या अधिकाऱ्यांनी दिलेल्या माहितीनुसार, पुणे आंतराष्ट्रीय विमानतळावर बँकाँकहून आलेल्या महिलेने सौंदर्य प्रसाधनांच्या डब्यातून चरस आणल्याची माहिती कस्टम आणि डीआरआयच्या पथकाला मिळाली. अमली पदार्थ तस्करी करणारी महिला गडबडीत विमानतळावरुन बाहेर पडण्याच्या प्रयत्नात होती. पथकाने तिला संशयावरुन ताब्यात घेऊन तिच्याकडील सामानाची तपासणी केली. तेव्हा तपासणीत सौंदर्य प्रसाधनांचे दोन डब्बे सापडले. या डब्यांमधील पदार्थाची त्वरीत ‘ड्रग डिटेक्शन किट’द्वारे तपासणी करण्यात आली. डब्यात चरस असल्याचे उघडकीस आले. या डब्यात एक किलो २४३ ग्रॅम चरस सापडले. जप्त करण्यात आलेल्या चरसची किंमत एक कोटी रुपये आहे.
