दुचाकीस्वाराविरुद्ध हडपसर पोलिसांनी केला गुन्हा दाखल
marathinews24.com
पुणे – दुचाकीच्या धडकेत पादचारी ज्येष्ठाचा मृत्यू झाल्याची घटना हडपसर भागात घडली. याप्रकरणी दुचाकीस्वाराविरुद्ध हडपसर पोलिसांनी गुन्हा दाखल केला.अभय चंद्रकांत हळबे (वय ६४, रा. निओ टाॅवर, अमानोरा पार्क, हडपसर) असे मृत्युमुखी पडलेल्या पादचाऱ्याचे नाव आहे. याबाबत त्यांचा मुलगा आदित्य (वय ३५) यांनी हडपसर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, दुचाकीस्वार सिद्धेश संदीप किरटकर (वय २०) याच्याविरुद्ध गुन्हा दाखल करण्यात आला आहे.
हवाई दलातील तोतया जवानाला पकडले – सविस्तर बातमी
पोलिसांनी दिलेल्या माहितीनुसार, अभय हळबे हे १७ जुलै रोजी रात्री आठच्या सुमारास अमानोरा पार्क परिसरातून निघाले होते. त्या वेळी भरधाव दुचाकीने त्यांना धडक दिली. गंभीर जखमी झालेल्या हळबे यांचा खासगी रुग्णालयात उपचारांदरम्यान मृत्यू झाला. हळबे यांच्या मुलाने नुकतीच फिर्याद दिली. पोलीस उपनिरीक्षक फाटे तपास करत आहेत.
