पुण्यात घर खरेदीचे आमिष; ज्येष्ठ नागरिकाची १२ लाखांची फसवणूक
marathinews24.com
पुणे – घर खरेदी करण्याच्या आमिषाने ज्येष्ठ नागरिकाची १२ लाख रुपयांची फसवणूक करण्यात आल्याचा प्रकार उघडकीस आला. याप्रकरणी एकाविरुद्ध शिवाजीनगर पोलिसांनी गुन्हा दाखल केला. सचिन पद्माकर पावसकर (रा. तारकेश्वर सोसायटी, आनंदनगर, सिंहगड रस्ता) असे गुन्हा दाखल केलेल्याचे नाव आहे. याबाबत एका ज्येष्ठ नागरिकाने शिवाजीनगर पोलीस ठाण्यात फिर्याद दिली आहे.
समलैंगिक पतीकडून महिलेचा छळ – सविस्तर बातमी
पोलिसांनी दिलेल्या माहितीनुसार, तक्रारदार ६९ वर्षीय ज्येष्ठ नागरिक हे विश्रांतवाडी भागात राहायला आहेत. आरोपीशी त्यांची ओळख झाली होती. तेव्हा त्याने पैशांची गरज आहे, असे सांगितले. ज्येष्ठ नागरिकाला घर खरेदी करायचे होते. पुण्यात चांगले घर खरेदी करुन देतो, असे सांगून त्यांच्याकडून १२ लाख रुपये घेतले. पैसे घेतल्यानंतर त्यांना पैसे परत दिले नाही. ज्येष्ठ नागरिकाने याबाबत विचारणा केली. तेव्हा आरोपीने टाळाटाळ सुरू केली. फसवणूक झाल्याचे उघडकीस आल्यानंतर त्यांनी नुकतीच पोलिसांकडे तक्रार दिली. पोलीस उपनिरीक्षक वलसे तपास करत आहेत.
