साडेचार किलो गांजा जप्त
marathinews24.com
पुणे – शहरातील शिवाजीनगर रेल्वे परिसरात गांजा विक्रीसाठी आलेल्या तस्कराला शिवाजीनगर पोलिसांनी सापळा रचून अटक केली. त्याच्याकडून साडेचार किलो गांजा जप्त करण्यात आला आहे. राहुल सदाशिव कांबळे (वय २८ रा. शेलारवाडी स्टेशन, तळेगाव दाभाडे) असे अटक करण्यात आलेल्याचे नाव आहे.
सराईत मोबाइल चोरट्याला कोंढवा पोलिसांनी ठोकल्या बेड्या – सविस्तर बातमी
शिवाजीनगर पोलिस ठाण्याच्या तपास पथकातील पोलिस नाईक सचिन जाधव आणि पोलिस अंमलदार श्रीकांत मखरे यांना शिवाजीनगर रेल्वे स्थानकाजवळील झाडाझुडपांच्या परिसरात गांजा विक्रीसाठी येणार आहे. त्यानुसार सहायक पोलिस निरीक्षक संतोष पाटील यांच्या मार्गदर्शनाखाली पोलिस पथकाने तातडीने सापळा रचला अन राहुल कांबळे याला ताब्यात घेतले. पोलिसांनी संशयिताला ताब्यात घेत त्याची झडती घेतली असता त्याच्याकडे मोठ्या प्रमाणात गांजा आढळून आला. चौकशीत तो हा गांजा हैदर इराणी याच्या सांगण्यावरून हा गांजा विक्रीसाठी आणल्याचे सांगितले. शिवाजीनगर पोलिस ठाण्याचे वरिष्ठ पोलिस निरीक्षक गिरीशकुमार दिघावकर, गुन्हे निरीक्षक अमर काळंगे, सहायक पोलिस निरीक्षक संतोष पाटील यांच्या मार्गदर्शनाखाली अमंलदार महावीर बलटे, राजकिरण पवार, इसाक पठाण, दिपक रांभाडे, श्रीकृष्ण सांगवे यांच्या पथकाने ही कारवाई केली.
