लष्कर पोलीस ठाण्यात गुन्हा दाखल
marathinews24.com
पुणे – जेष्ठ महिलेच्या घरात शिरून तिघाजणांनी १ लाख रूपये किंमतीच्या संसारपयोगी साहित्याची चोरी केली आहे. ही घटना १० ते २३ नोव्हेंबरला कॅम्पमधील हफिजा मंजील याठिकाणी घडली आहे. याप्रकरणी ६३ वर्षीय महिलेने लष्कर पोलीस ठाण्यात फिर्याद दाखल केली आहे. त्यानुसार तिघांविरूद्ध गुन्हा दाखल करण्यात आला आहे.
सायबर चोरट्यांची ऑनलाईन बनवेगिरी – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ महिला कॅम्पमधील हफिजा मंजील परिसरात राहायला आहे. १० ते २३ नोव्हेंबर कालावधीत तिघाजणांनी त्यांच्या घरात बेकायदेशिररित्या प्रवेश केला. घरातील १ लाखांचे संसारपयोगी साहित्य चोरून नेले. त्यानंतर २३ ते २५ नोव्हेंबर कालवधीत टोळक्याने तक्रारदार महिलेला घरात जाण्यास मज्जाव केला. त्यांच्या अंगावर धावून जात मारण्याची धमकी दिली आहे. याप्रकरणी तक्रारदार महिलेने पोलीस ठाण्यात धाव घेत फिर्याद नोंदविली आहे. पोलीस उपनिरीक्षक काजोल यादव तपास करीत आहेत.
