आरोपीसह २२ किलो गांजा ही पोलिसांनी घेतला ताब्यात
marathinews24.com
पुणे – शहरातील कोंढवा परिसरात गांजा विक्री प्रकरणात एका महिलेसह दोघांना पोलिसांनी अटक केली. त्यांच्याकडून २२ किलो गांजा जप्त करण्यात आला. यास्मीन करीम शेख (वय ४५), आमीर समीर शेख (वय १९, दोघे रा. शिवनेरीनगर, कोंढवा) अशी अटक करण्यात आलेल्यांची नावे आहेत. कोंढव्यातील शिवनेरीनगर परिसरात यास्मीन आणि आमीर शेख हे गांजा विक्री करत असल्याची माहिती पोलिसांना मिळाली.
मौजमजेसाठी मोबाइल चोरणारे गजाआड – सविस्तर बातमी
आरोपी ओळखीतील काही जणांना गांजा विक्री करत असल्याची माहिती मिळाल्यानंतर पोलिसांच्या पथकाने सापळा लावून दोघांना पकडले. त्यांच्याकडून २२ किलो गांजा जप्त करण्यात आला. पोलीस उपायुक्त राजलक्ष्मी शिवणकर यांच्या मार्गदर्शनाखाली पोलीस निरीक्षक कुमार घाडगे, उपनिरीक्षक अल्फाज शेख, रवींद्र गावडे, प्रवीण उत्तेकर, सर्फराज देशमुख, कैलास सपकाळ, हनुमंत कांबळे, विशाल मेमाणे यांनी ही कारवाई केली.
