सायबर चोरट्यांविरुद्ध गुन्हा दाखल
marathinews24.com
पुणे – शेअर बाजारात गुंतवणुकीच्या आमिषाने सायबर चोरट्यांनी दोघांची ७२ लाख रुपयांची फसवणूक केल्याचा प्रकार उघडकीस आला. याप्रकरणी सायबर चोरट्यांविरुद्ध गुन्हा दाखल करण्यात आला आहे.
खराडी भागात फ्लॅटमधून २ लाखांचे दागिने चोरीला – सविस्तर बातमी
शेअर बाजारात गुंतवणुकीच्या आमिषाने एकाची ६२ लाख रुपयांची फसवणूक करण्यात आल्याची घटना उघडकीस आली. याबाबत एकाने शिवाजीनगर येथील सायबर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, तक्रारदार हे सिंहगड रस्ता भागात राहायला आहेत. सायबर चोरट्यांनी त्यांच्या मोबाइल क्रमांकावर शेअर बाजारातील गुंतवणुकीबाबत संदेश पाठविला होता. गुंतवणूक केल्यास चांगला परतावा मिळेल, असे आमिष चोरट्यांनी तक्रारदाराला दाखविले होते. त्यानंतर तक्रारदाराने चोरट्यांच्या बँक खात्यात वेळोवेळी ६२ लाख रुपये जमा केले. पैसे जमा केल्यानंतर चोरट्यांनी त्यांना परतावा दिला नाही. चोरट्यांनी त्यांचे मोबाइल क्रमांक बंद केले होते. फसवणूक झाल्याचे लक्षात आल्यानंतर त्यांनी सायबर पोलीस ठाण्यात तक्रार दिली. पोलीस निरीक्षक संगीता देवकाते तपास करत आहेत.
सायबर चोरट्यांनी एका ज्येष्ठ महिलेची १० लाख ९६ हजार रुपयांची फसवणूक केल्याचा प्रकार उघडकीस आला. याबाबत एका ज्येष्ठ महिलेने कोंढवा पोलीस ठाण्यात फिर्याद दिली आहे. वरिष्ठ पोलीस निरीक्षक कुमार घाडगे तपास करत आहेत.
