चतुःशृंगी आणि भारती विद्यापीठ पोलिस ठाण्यात गुन्हे दाखल
marathinews24.com
पुणे – ऑनलाइन मनी लॉन्ड्रिंग प्रकरणात कारवाईची भीती दाखवून शहरातील दोघांची तब्बल २१ लाख २० हजार रुपयांची फसवणूक करण्यात आल्याचे समोर आले आहे. याप्रकरणी चतुःशृंगी आणि भारती विद्यापीठ पोलिस ठाण्यात गुन्हे दाखल करण्यात आले आहेत.
ज्येष्ठ नागरिकाची ४ लाख ४३ हजार रुपयांची फसवणूक – सविस्तर बातमी
चतुःशृंगी परिसरातील ६९ वर्षीय ज्येष्ठ नागरिकाला आरोपींनी फोन करून आपण पोलिस असल्याचे भासवले. मनी लॉन्ड्रिंगचा गुन्हा दाखल असल्याचे सांगून चौकशीच्या बहाण्याने त्यांच्याकडून १८ लाख रुपये उकळण्यात आले. याप्रकरणी चतुःशृंगी पोलीस ठाण्यात गुन्हा दाखल केला असून, या प्रकरणाचा पुढील तपास वरिष्ठ पोलिस निरीक्षक उत्तम भजनावळे करत आहेत.
येवलेवाडी परिसरातील ५५ वर्षीय तक्रारदाराला सायबर चोरांनी लक्ष्य केले. संबंधित व्यक्तीच्या बँक खात्यावर मोठी रक्कम जमा झाल्याचे सांगत त्यांना फोन करण्यात आला. मनी लॉन्ड्रिंगच्या माध्यमातून पैसे जमा झाल्याचे सांगून आरबीआयकडून चौकशी होणार असल्याची भीती दाखवण्यात आली. त्यानंतर खात्यावर जमा झालेल्या पैशांची चौकशी करण्याच्या बहाण्याने संबंधित व्यक्तीकडून ३ लाख २० हजार रुपये उकळले. याप्रकरणी येवलेवाडी पोलिस ठाण्यात गुन्हा दाखल करण्यात आला असून, या प्रकरणाचा पुढील तपास पोलिस निरीक्षक करांडे करत आहेत.
