दोघांविरूद्ध लोणी काळभोर पोलिसांनी गुन्हा दाखल
marathinews24.com
पुणे – कंपनीमध्ये गुंतवणूक करण्याच्या आमिषाने महिलेची १६ लाखांची फसवणूक झाल्याची घटना लोणी काळभोरमध्ये घडली आहे. याप्रकरणी दोघांविरूद्ध लोणी काळभोर पोलिसांनी गुन्हा दाखल केला आहे. ही घटना ऑगस्ट ते डिसेंबर २०२० कालावधीत कुशलवाटिका, लोणी काळभोर याठिकाणी घडली आहे. याप्रकरणी ४६ वर्षीय महिलेने फिर्याद दिली आहे.
मद्यपी मोटारचालकाकडून पोलीस कर्मचाऱ्याला धक्काबुक्की – सविस्तर बातमी
पोलिसांनी दिलेल्या माहितीनुसार, तक्रारदार महिला लोणी काळभोरमध्ये राहायला असून, ऑगस्ट ते डिसेंबर २०२० कालावधीत आरोपींनी महिलेला कंपनीमध्ये गुंतवणूक करण्यास भाग पाडले. चांगला परतावा मिळवून देण्याचे आमिष दाखवून तब्बल १६ लाख रूपये उकळले. मात्र, त्यांना परतावा दिला नाही. फसवणूक झाल्याचे लक्षात आल्यानंतर महिलेने पोलीस ठाण्यात धाव घेतली. याप्रकरणी सहायक पोलीस निरीक्षक अंकुश बोराटे तपास करीत आहेत.
शेअरमध्ये गुंतवणूकीच्या बहाण्याने गंडा
शेअरमध्ये गुंतवणूक करण्याच्या बहाण्याने सायबर चोरट्यांनी महिलेला ४ लाख २० हजारांचा गंडा घातला आहे. ही घटना २२ ते २६ मे २०२५ कालावधीत सावित्रीबाई फुले पुणे विद्यापीठाजवळ घडली आहे. याप्रकरणी महिलेने चतुःशृंगी पोलीस ठाण्यात फिर्याद दाखल केली आहे. त्यानुसार मोबाइलधारक, लिंकधारक, बँक खातेधारकाविरूद्ध गुन्हा दाखल केला आहे. याप्रकरणी वरिष्ठ पोलीस निरीक्षक उत्तम भजनावळे तपास करीत आहेत.
