डिजिटल ॲरेस्ट’ची धमकी देऊन फसवणूक
marathinews24.com
पुणे – ‘डिजिटल ॲरेस्ट’ची धमकी देऊन सायबर चोरट्यांनी एका ७० वर्षीय वकील महिलेची ७० लाख रुपयांची फसवणूक केल्याचा प्रकार उघडकीस आला. याप्रकरणी चोरट्यांविरुद्ध सायबर पोलिसांनी गुन्हा दाखल केला. याबाबत एका वकील महिलेने शिवाजीनगर येथील सायबर पोलीस ठाण्यात फिर्याद दिली आहे.
कंपनीच्या नावे बनावट ‘ग्रुप’ करुन ४० लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार वकील महिला कोंढव्यातील पिसोळी रस्त्यावर राहायला आहेत. सायबर चोरट्यांनी ५ ऑगस्ट रोजी त्यांच्या मोबाइल क्रमांकावर संपर्क साधला. एका राष्ट्रीयकृत बँकेतून बोलत असल्याची बतावणी सायबर चोरट्यांनी त्यांच्याकडे केली. बँक खात्याचा वापर काळ्या पैसे व्यवहारात झाला असून, या प्रकरणात ‘डिजिटल ॲरेस्ट’करण्यात येणार आहे, अशी धमकी त्यांना देण्यात आली. अटकेची कारवाई टाळण्यासाठी तातडीने पैसे द्यावे लागतील, असे चोरट्यांनी त्यांना सांगितले. त्यानंतर महिलेने चोरट्यांच्या खात्यात तीन दिवसांत वेळोवेळी ७० लाख रुपये जमा केले. चौकशी केल्यानंतर फसवणुकीचा प्रकार उघडकीस आला. त्यानंतर चोरट्यांनी पोलिसांकडे तक्रार दिली. पोलीस निरीक्षक संगीता देवकाते तपास करत आहेत .
