विश्रामबाग पोलीस ठाण्यात गुन्हा दाखल
marathinews24.com
पुणे – तुळशीबागेत खरेदीसाठी आलेल्या एका महिलेच्या पर्समधून दीड लाख रुपयांचे दागिने चोरून नेण्यात आल्याची घटना घडली. या प्रकरणी चोरट्यांविरुद्ध विश्रामबाग पोलिसांनी गुन्हा दाखल केला. याबाबत एका महिलेने विश्रामबाग पोलीस ठाण्यात फिर्याद दिली आहे.
डंपरच्या धडकेत दुचाकीस्वार तरुणाचा मृत्यू – सविस्तर बातमी
पोलिसांनी दिलेल्या माहितीनुसार, तक्रादार महिला मूळच्या मुंबईतील आहेत. कफ परेड परिसरात त्या राहायला आहेत. २१ मार्च रोजी सायंकाळी त्या तुळशीबागेत खरेदीसाठी आल्या होत्या. महिलेने दागिने पर्समध्ये ठेवले होते. गर्दीत चोरट्याने पर्समधील दीड लाख रुपयांचे सोन्याचे दागिने चोरून नेले. दागिने चोरीला गेल्याचे लक्षात आल्यानंतर महिलेने पोलिसांकडे तक्रार दिली. पोलिसांनी घटनास्थळी भेट देऊन तुळशीबागेतील सीसीटीव्ही चित्रीकरण तपासले आहे. पोलीस हवालदार गोंजारी तपास करत आहेत.
तुळशीबागेत गेल्या काही महिन्यांपासून चोरट्यंचा सुळसुळाट झाला आहे. खरेदीसाठी आलेल्या महिलांकडील दागिने लांबविण्याच्या घटनांमध्ये वाढ झाली आहे.
