पोलिसांनी पाच जणांना केली अटक
marathinews24.com
पुणे – बिबवेवाडीत तरुणाला मारहाण करणाऱ्या पाच जणांना पोलिसांनी अटक केली. या प्रकरणी साहिल बेंद्रे, रुद्र कांबळे, स्वरीत घोलप, तुषार तळेकर, शिवराम ढावरे यांना अटक करण्यात आली. याबाबत हरिष विनोद कदम (वय २०, रा. दुर्गामाता मंदिराजवळ, इंदिरानगर, बिबवेवाडी) याने फिर्याद दिली आहे.
ओैषध विक्री दुकानातून रोकड चोरी – सविस्तर बातमी
पोलिसांनी दिलेल्या माहितीनुसार, कदम आणि त्याची आई २२ मार्च रोजी दुपारी साडेतीनच्या सुमारास बिबवेवाडी भागातून निघाले होते. त्यावेळी आरोपींनी त्याला अडवले. आरोपी रुद्र कांबळे याने माझ्या मानलेल्या बहिणीची छेड का काढली ? अशी विचारणा करुन कदम याला दांडक्याने मारहाण केली. कांबळे याच्याबरोबर असलेल्या साथीदारांनी त्याला दगड फेकून मारले. आरोपींनी केलेल्या मारहाणीत कदम जखमी झाला. पोलीस हवालदार गायकवाड तपास करत आहेत.
