खडकी पोलीस ठाण्यात गुन्हा दाखल
marathinews24.com
पुणे – Pune Assault Case : गॅरेज चालकावर तीक्ष्ण शस्त्राने वार करुन दहशत माजविण्याची घटना खडकीतील चिखलवाडी भागात घडली. याप्रकरणी पोलिसांनी एकाला अटक केली. रौनक उर्फ गोट्या शैलेंद्र काळे (वय १९, रा. चिखलवाडी, खडकी) असे अटक करण्यात आलेल्याचे नाव आहे. याप्रकरणी त्याच्याबरोबर असलेल्या साथीदाराविरुद्ध गुन्हा दाखल करण्यात आला आहे. सारंग दीपक खरात (वय ३६, रा. चिखलवाडी, खडकी) यांनी खडकी पोलीस ठाण्यात फिर्याद दिली आहे.
बीएसनएलची केबल चोरणारा अटकेत; अल्पवयीन साथीदार ताब्यात – सविस्तर बातमी
पोलिसांनी दिलेल्या माहितीनुसार, खरात यांचे खडकीतील चिखलवाडी भागात गॅरेज आहे. १४ नोव्हेंबर रोजी रात्री आठच्या सुमारास आरोपी काळे आणि साथीदार गॅरेजमध्ये आले. कारण नसताना आरोपींनी खरात यांच्याबरोबर वाद घालण्यास सुरुवात केली. (Pune Assault Case) आरोपींनी खरात यांना शिवीगाळ करुन त्यांच्यावर शस्त्राने वार केले. त्यानंतर परिसरात दहशत माजवून आरोपी पसार झाले. पसार झालेल्या आरोपीला पोलिसांनी अटक केली असून, पाेलीस उपनिरीक्षक अनिकेत काळे तपास करत आहेत.






















