Breking News
Maharashtra Child Parliament 2026 : विकसित महाराष्ट्राच्या संकल्पनेवर १०२ बालप्रतिनिधी मांडणार विचार; यशदामध्ये २० नोव्हेंबरला बाल संसदPune Slum Rehabilitation Scheme : झोपडपट्टीधारकांना मोफत घरांचा लाभ वेळेत मिळण्यासाठी प्रशासन व विकसकांनी समन्वयाने काम करावे – राज्यमंत्री डॉ. पंकज भोयरKothrud Drought Relief : चंद्रकांतदादा पाटील यांच्या आवाहनाला कोथरुडकरांचा प्रतिसादPune Science Literature Conference : पुण्यात विज्ञान साहित्य नांदी संमेलनाचे गुरुवारी आयोजन- डॉ. नितीन करमाळकरJalyukt Shivar 3.0 : राज्यात ३४ लाखांहून अधिक भूजल पुनर्भरण संरचनांच्या निर्मितीचे उद्दिष्ट मे २०२७ पर्यंत पूर्ण करणार-मुख्यमंत्री देवेंद्र फडणवीसPune Pistol Seizure News : पुण्यात सराइताकडून दोन पिस्तूलांसह काडतुसे जप्तDigital Arrest Scam Pune : अटकेची दाखवली भीती, महिलेला ३० लाखांचा गंडाPune House Robbery : पुण्यात कात्रज, लोहगावमध्ये घरफोडीHinjawadi Man Marunji Development : हिंजवडी, माण, मारुंजी परिसरातील विकासकामांना गती द्या-जिल्हाधिकारी जितेंद्र डुडीChakan Traffic Management : चाकण- तळेगाव परिसरातील पायाभूत सुविधा, वाहतूक आणि अतिक्रमणांवर व्यापक उपाययोजना करा- जिल्हाधिकारी जितेंद्र डुडी

Digital Life Certificate Baramati : बारामती टपाल विभागांतर्गत ज्येष्ठ पेन्शनधारकांसाठी घरबसल्या डिजिटल जीवन प्रमाणपत्राची सुविधा

फेस ऑथेंटिकेशनद्वारे जीवन प्रमाणपत्र सादर करण्याची सोय; ग्रामीण भागातील पेन्शनधारकांनाही लाभ

marathinews24.com

बारामती – केंद्र व राज्य सरकारी सेवानिवृत्त कर्मचारी तसेच पेन्शनधारकांना दरवर्षी पेन्शन सुरू ठेवण्यासाठी डिजिटल जीवन प्रमाणपत्र (Digital Life Certificate) सादर करणे आवश्यक असते. यासाठी भारतीय डाक विभाग आणि इंडिया पोस्ट पेमेंट बँकेच्या वतीने ‘Nationwide Digital Life Certificate Campaign 5.0’ अंतर्गत विशेष मोहीम राबविण्यात येत असून, ज्येष्ठ नागरिकांना घरबसल्या जीवन प्रमाणपत्र काढण्याची सुविधा उपलब्ध करून देण्यात आली आहे.

इंदापूर प्रकल्पग्रस्तांच्या पुनर्वसनाला गती; बारामतीत पारदर्शक भूखंड सोडत- हनुमंत पाटील – सविस्तर बातमी

नोव्हेंबर महिन्यात राबविण्यात येणाऱ्या या मोहिमेदरम्यान अनेक पेन्शनधारकांना बोटांचे ठसे स्पष्ट न उमटणे किंवा बायोमेट्रिक पडताळणीमध्ये अडचणी येत असल्याने जीवन प्रमाणपत्र सादर करताना त्रास होत होता. ही समस्या लक्षात घेऊन फेस ऑथेंटिकेशन अर्थात चेहरा ओळख पडताळणीद्वारे डिजिटल जीवन प्रमाणपत्र सादर करण्याची सुविधा उपलब्ध करण्यात आली आहे. त्यामुळे ज्येष्ठ नागरिकांना मोठा दिलासा मिळणार आहे.

ही सेवा केवळ ७० रुपयांमध्ये उपलब्ध असून, बारामती टपाल विभागांतर्गत बारामती, इंदापूर, सासवड, दौंड आणि शिरूर तालुक्यांतील ग्रामीण भागातील शाखा डाकघर, उपडाकघर, बारामती मुख्य डाकघर तसेच पोस्टमन व ग्रामीण डाक सेवकांच्या माध्यमातून दिली जाणार आहे.

पेन्शनधारकांना पोस्टमन अथवा ग्रामीण डाक सेवकांना घरी बोलावून किंवा जवळच्या पोस्ट ऑफिसमध्ये जाऊन ऑनलाइन पद्धतीने डिजिटल जीवन प्रमाणपत्र सादर करता येणार आहे. यासाठी आधार क्रमांक, पेन्शन पेमेंट ऑर्डर (PPO No.) आणि मोबाईल क्रमांक ही माहिती आवश्यक आहे.

या सुविधेचा लाभ घेण्यासाठी सर्व केंद्र, राज्य, रेल्वे तसेच विविध विभागांच्या पेन्शनधारकांनी जवळच्या पोस्टमन अथवा ग्रामीण डाक सेवकांशी संपर्क साधावा, असे आवाहन अधीक्षक डाकघर, बारामती विभाग केतन डी. शित्रे आणि इंडिया पोस्ट पेमेंट बँकेचे शाखा व्यवस्थापक स्वप्नील सावंत यांनी केले आहे.

व्हिडीओ

  • Video Not Found!!
  • Error Code : 429
  • Message : Quota exceeded for quota metric 'Search Queries' and limit 'Search Queries per day' of service 'youtube.googleapis.com' for consumer 'project_number:240959846937'.
error: Content is protected !!
Scroll to Top
×