सिंहगड रोड, नांदेड-सिटी कोंढव्यात घटना
marathinews24.com
पुणे – शहरात घरफोड्या करणाऱ्या चोरट्यांनी धुमाकूळ घातला असून, सिंहगड रोड, कोंढवा नांदेड सिटी परिसरातील तीन फ्लॅट फोडत तब्बल २५ लाख रुपयांचा ऐवज चोरून नेला आहे. घटनांमधील चोरट्यांचा पोलिसांना थांगपत्ता लागलेला नाही. याप्रकरणी पहिल्या घटनेत सिंहगड रोड पोलिस ठाण्यात ४० वर्षीय महिलेने तक्रार दिली आहे. त्यानूसार अज्ञात चोरट्यांवर गुन्हा नोंद करण्यात आला आहे. हा प्रकार ९ ते १४ फेब्रुवारी दरम्यान घडला आहे.
पीएमपी बसच्या धडकेत पादचारी ज्येष्ठाचा मृत्यू – सविस्तर बातमी
तक्रारदार आनंदनगर येथील शिवसागर रेसिडेन्सीत राहण्यास आहेत. दरम्यान, त्यांच्या घराची चावी चोरून किंवा बनवून त्याद्वारे घर उघडून आत प्रवेश केला. तसेच बेडरूममधील ड्राव्हरमध्ये ठेवलेले सोन्याचे दागिने व रोकड असा २१ लाख ११ हजार ४०० रुपयांचा ऐवज चोरून नेला आहे. तर नांदेड सिटी पोलीस ठाण्याच्या हद्दीतील डीएसके रोड धायरी येथे बंद फ्लॅट फोडून ४० हजार रुपयांचा ऐवज चोरून नेला आहे. याप्रकरणी ४९ वर्षीय व्यक्तीने पोलिसांत तक्रार दाखल केली आहे
एलईडीसह वायर चोरून नेले
कोंढव्यातील पुण्यधाम आश्रम परिसरातील डी. मार्ट रोडवर असलेल्या एका बांधकाम साईटवरील कार्यालयातून चोरट्यांनी ३ लाख ९२ हजार रुपयांचे एलईडी तसेच इलेक्ट्रिक वायर चोरून नेल्याचा प्रकार समोर आला आहे. याप्रकरणी कोंढवा पोलिस ठाण्यात अज्ञात चोरट्यांविरूद्ध गुन्हा दाखल करण्यात आला आहे. याबाबत तन्मय पाल (वय ३५) यांनी तक्रार दिली आहे. अधिक तपास पोलिस करत आहेत.
