चोरट्यांविरुद्ध बंडगार्डन पोलिसांनी केला गुन्हा दाखल
marathinews24.com
पुणे – शहरातील प्रादेशिक परिवहन कार्यालय (आरटीओ) मेट्रो स्थानक परिसरात दुचाकीस्वार तरुणाला तीक्ष्ण शस्त्राच्या धाकाने लुटल्याची घटना घडली. या प्रकरणी चोरट्यांविरुद्ध बंडगार्डन पोलिसांनी गुन्हा दाखल केला. याबाबत एका दुचाकीस्वार तरुणाने फिर्याद दिली आहे. त्याने दिलेल्या फिर्यादीनुसार, दुचाकीस्वार चोरट्यासह साथीदाराविरुद्ध गुन्हा दाखल करण्यात आला आहे.
पुण्यात पिस्तूल विक्रीसाठी आलेल्या आंतरराज्य टोळीचा पर्दाफाश – सविस्तर बातमी
पोलिसांनी दिलेल्या माहितीनुसार, तक्रारदार तरुण चिंचवडमधील छत्रपती संभाजीनगर भागात राहायला आहे. १५ नोव्हेंबर रोजी मध्यरात्री पावणेदोनच्या सुमारास दुचाकीस्वार तरुण आरटीओ मेट्रो स्थानक परिसरातून निघाला होता. रस्त्याच्या कडेला तो थांबला होता. त्या वेळी दुचाकीवरुन आलेल्या चोरट्यांनी तरुणाला तीक्ष्ण शस्त्राचा धाक दाखवून मारहाण केली. त्याच्या खिशातील दोन मोबाइल असा ६५ हजार रुपयांचा मुद्देमाल लुटून चोरटे पसार झाले. पसार झालेल्या चोरट्यांचा शोध घेण्यात येत असून, पोलिसांनी सीसीटीव्ही चित्रीकरण ताब्यात घेतले आहे. पोलीस उपनिरीक्षक पवार तपास करत आहेत.






















