पिंपरी-चिंचवडमधील तरुणाला अटक
marathinews24.com
पुणे – Pune Gold Chain Theft : पादचारी महिलेच्या गळ्यातील पावणेदोन लाखांची सोनसाखळी हिसकाविणाऱ्या चोरट्याला बंडगार्डन पोलिसांनी अटक केली. या प्रकरणी चोरट्याबरोबर असलेल्या अल्पवयीन साथीदारांविरुद्ध गुन्हा दाखल करण्यात आला. याबाबत एका महिलेने बंडगार्डन पोलीस ठाण्यात फिर्याद दिली आहे. याप्रकरणी विकी सूर्यकांत राऊत (वय २६, रा. रहाटणी, पिंपरी-चिंचवड) याला अटक करण्यात आली. त्याच्याबरोबर असलेल्या दोन अल्पवयीन साथीदारांविरुद्ध गुन्हा दाखल करण्यात आला.
तरुणाचा खुनाचा प्रयत्न; ५ जण अटकेत – सविस्तर बातमी
पोलिसांनी दिलेल्या माहितीनुसार, तक्रारदार ३३ वर्षीय महिला सोमवार पेठेतील एका सोसायटीत राहायला आहेत. त्या १५ ऑक्टोबर रोजी सकाळी साडे दहाच्या सुमारास लष्कर भागातील हाॅटेल ब्ल्यू नाईल चौकातून निघाल्या होत्या. त्यावेळी दुचाकीवरुन राऊत आणि त्याच्याबरोबर असलेले साथीदार तेथे आले. त्यांनी महिलेल्या गळ्यातील सोनसाखळी हिसकाविण्याचा प्रयत्न केला. महिलेने आरडा ओरडा केला. Pune Gold Chain Theft दुचाकीस्वार राऊत आणि साथीदार तेथून पसार होण्याच्या प्रयत्नात होते. नागरिकांनी राऊत आणि साथीदारांना पकडून पोलिसांच्या ताब्यात दिले. पोलीस उपनिरीक्षक चव्हाण तपास करत आहेत.






















