पुणे-सोलापूर रस्त्यावरील कुंजीरवाडी परिसरातील घटना
marathinews24.com
पुणे – भरधाव वाहनाच्या धडकेत दुचाकीस्वार तरुणाचा मृत्यू झाल्याची घटना पुणे-सोलापूर रस्त्यावरील कुंजीरवाडी परिसरात घडली. या प्रकरणी लोणी काळभोर पोलिसांनी वाहन चालकाविरुद्ध गुन्हा दाखल केला.अनिकेत सूर्यकांत पिठे (वय २८, रा. महात्मा गांधी रस्ता, ऊरळी कांचन, पुणे-सोलापूर रस्ता) असे मृत्युमुखी पडलेल्याचे नाव आहे. याबाबत सूर्यकांत पिठे (वय ५७) यांनी लोणी काळभोर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, वाहन चालकाविरुद्ध गुन्हा दाखल करण्यात आला आहे.
शेतीला पाणी देण्याच्या वादातून कुऱ्हाडीने हल्ला – सविस्तर बातमी
पोलिसांनी दिलेल्या माहितीनुसार, दुचाकीस्वार अनिकेत हा २२ जून रोजी दुपारी साडेतीनच्या सुमारास पुणे-सोलापूर रस्त्यावरुन निघाला होता. कुंजीरवाडी परिसरात भरधाव वाहनाने दुचाकीस्वार अनिकेतला धडक दिली. अपघातात अनिकेत गंभीर जखमी झाला. अपघातानंतर वाहन चालक घटनास्थळी न थांबता पसार झाला. गंभीर जखमी झालेल्या अनिकेतला तातडीने खासगी रुग्णालयात दाखल करण्यात आले. उपचारादरम्यान त्याचा मृत्यू झाला. सहायक पोलीस निरीक्षक जाधव तपास करत आहेत.
