रस्ता ओलांडताना वाहनाची धडक; उपचारांपूर्वीच तरुणाचा मृत्यू
marathinews24.com
पुणे – हडपसर-सासवड रस्त्यावर वाहनाच्या धडकेत पादचारी तरुणाचा मृत्यू झाल्याची घटना घडली. या प्रकरणी फुरसुंगी पोलिसांनी चारचाकी वाहन चालकाविरुद्ध गु्न्हा दाखल केला. तपसी जगदीश पासवान (वय ३८, रा. वडकी नाला, सासवड रस्ता) असे मृत्युमुखी पडलेल्या पादचाऱ्याचे नाव आहे. याबाबत पासवान याची पत्नी अमृतादेवी (वय २८) हिने फुरसुंगी पाेलीस ठाण्यात फिर्याद दिली आहे.
औषध निर्मिती कंपनीत नोकरीच्या आमिषाने ४ लाखांची फसवणूक – सविस्तर बातमी
पोलिसांनी दिलेल्या माहितीनुसार, तपसी पासवान मजुरी करतो. तो पत्नीसह वडकी नाला भागात राहायला आहे. तो २७ ऑगस्ट रोजी सायंकाळी साडेसातच्या सुमारास हडपसर सासवड रस्त्यावरील वडकी नाला भागातून निघाला होता. त्या वेळी भरधाव चारचाकी वाहनाने रस्ता ओलांडणाऱ्या पासवानला धडक दिली. अपघातात तो गंभीर जखमी झाला. उपचारांपूर्वीच त्याचा मृत्यू झाला होता.अपघातानंतर पसार झालेल्या वाहन चालकाचा शोध घेण्यात येत असून, पोलीस उपनिरीक्षक शंभुराज जाधव तपास करत आहेत.
