वानवडी पोलीस ठाण्यात गुन्हा दाखल
marathinews24.com
पुणे – जपानमधील रेसकोर्समध्ये नोकरी लावण्याच्या आमिषाने एकाची चार लाख रुपयांची फसवणूक करण्यात आल्याचा प्रकार उघडकीस आला. या प्रकरणी वानवडी पोलिसांनी एकाविरुद्ध गुन्हा दाखल केला.
याबाबत एका तरुणाने वानवडी पोलीस ठाण्यात फिर्याद दिली आहे. या प्रकरणी आरबाज माजीद खान (रा. शीतल पेट्रोल पंपाजवळ, कोंढवा) याच्याविरुद्ध गुन्हा दाखल करण्यात आला आहे.
एसटी प्रवासी महिलेचे ९ लाखांचे दागिने लंपास – सविस्तर बातमी
पोलिसांनी दिलेल्या माहितीनुसार, तक्रारदार तरुण हा घोरपडी गावातील फैलावाली चाळीत राहायला आहे. आरोपीशी त्याची ओळख झाली होती. आरोपीने तरुणाला जपानमधील रेसकोर्समध्ये नोकरी लावण्याचे आमिष दाखविले. जपानमधील व्हिसा मिळवून देण्यासाठी त्याने पैशांची मागणी केली. तरुणाकडून आरोपीने चार लाख १५ हजार रुपये घेतले. तरुणाला त्याने बनावट व्हिसा पीडीएफ स्वरुपात पाठविला. चौकशी केल्यानंतर फसवणूक झाल्याचा प्रकार उघडकीस आला. त्यानंतर तरुणाने नुकतीच पोलिसांकडे तक्रार दिली. पोलीस उपनिरीक्षक बगाडे तपास करत आहेत.






















