पुणे पोलीस दल देणार एक दिवसाचे वेतन
marathinews24.com
पुणे – Pune Police Farmer Aid : दुष्काळाच्या संकटाचा सामना करणाऱ्या शेतकऱ्यांना मदतीचा हात देण्यासाठी शहर पोलीस दलाने सामाजिक बांधिलकी जपणारा निर्णय घेतला आहे. दलातील अधिकारी आणि कर्मचाऱ्यांचे एक दिवसाचे वेतन मुख्यमंत्री सहाय्यता निधीत जमा करण्यात येणार आहे. या निर्णयामुळे सुमारे तीन कोटी रुपयांचा निधी शेतकऱ्यांच्या मदतीसाठी उपलब्ध होणार आहे. पोलिस दलाच्या योगदानातून संकटात सापडलेल्या बळीराजाला दिलासा देण्याचा प्रयत्न आहे.
महाराष्ट्रातील ३५ हजार महिला उद्योजिकांना सक्षम करण्याचे उद्दिष्ट – सविस्तर बातमी
पुणे पोलिसांच्या या निर्णयाचे स्वागत होत आहे. शहर पोलिस दलात उपनिरीक्षकापासून ते पोलिस आयुक्त पदापर्यंत जवळपास २ हजार अधिकारी कार्यरत आहेत. तर, सुमारे १० हजार कर्मचारी विविध पदावर कर्तव्य बजावत आहेत. सर्वांच्या एक दिवसाच्या वेतनातून मोठा निधी उभा राहणार आहे. पोलीस अधिकाऱ्यांचे एका दिवसाचे वेतन (पदानुसार) साधारण तीन ते सात हजार रुपयांपर्यंत आहे. तर, कर्मचाऱ्यांचे एका दिवसाचे वेतन सरासरी दोन हजार रुपयांच्या आसपास आहे. (Pune Police Farmer Aid) त्यानुसार कर्मचाऱ्यांच्या एका दिवसाच्या वेतनातून दोन कोटी रुपये, तर अधिकाऱ्यांच्या वेतनातून जवळपास १ कोटी रुपये जमा होण्याचा अंदाज आहे. अशा प्रकारे ३ कोटी रुपयांच्या आसपास रक्कम मुख्यमंत्री सहाय्यता निधीत जमा होणार आहे. कर्तव्य बजावताना कायदा व सुव्यवस्था राखण्याची जबाबदारी पार पाडणाऱ्या पोलिस दलाने सामाजिक उत्तर दायित्वातूनही पुढाकार घेतला आहे. पोलिसांच्या एका दिवसाच्या वेतनातून शेतकऱ्यांच्या मदतीसाठी मोठा आर्थिक हातभार लागणार आहे.
