सदाशिव पेठेतील शेडगे आळी परिसरातील कॅनरा बँकेच्या एटीएममध्ये चोरीचा प्रयत्न
marathinews24.com
पुणे – Sadashiv Peth ATM Theft : एटीएमची तोडफोड करुन रोकड चोरी करण्याच्या प्रयत्न करण्यात आल्याची घटना सदाशिव पेठेत घडली. याप्रकरणी चोरट्यांविरुद्ध विश्रामबाग पोलिसांनी गुन्हा दाखल केला. याबाबत पोलीस हवालदार विनायक भांगे यांनी फिर्याद दिली आहे.
पुण्यातील रास्ता पेठ, लोणी काळभाेर भागात घरफोडी – सविस्तर बातमी
पोलिसांनी दिलेल्या माहितीनुसार, सदाशिव पेठेतील शेडगे आळी रस्ता परिसरात कॅनरा बँकेची शाखा आहे. मंगळवारी (२६ ऑक्टोबर) मध्यरात्री चोरटे एटीएममध्ये शिरले. चोरट्यांनी एटीएममधील पासबुक प्रिटिंग यंत्राची तोडफोड केली, तसेच एटीएमची तोडफोड करुन रोकड चोरीचा प्रयत्न केला. मंगळवारी सकाळी बँकेचे कामकाज सुरू झाल्यानंतर एटीएम, तसेच प्रिटींग यंत्राची तोडफोड करण्यात आल्याचा प्रकार उघडकीस आला. (Sadashiv Peth ATM Theft) या घटनेची माहिती पोलिसांना देण्यात आली. वरिष्ठ पोलीस अधिकाऱ्यांनी घटनास्थळी भेट दिली. पोलिसांनी एटीएममधील सीसीटीव्ही कॅमेऱ्यांनी केलेेले चित्रीकरण तपासले असून, पसार झालेल्या चोरट्यांचा शोध घेण्यात येत आहे. पोलीस उपनिरीक्षक मोकाशी तपास करत आहेत.
