वाघोली परिसरातील घटना
marathinews24.com
पुणे – शहराजवळ केसनंद-वाघोली रस्त्यावर भरधाव सेप्टी टँकरची दुचाकीला धडक बसल्यानंतर दुचाकीस्वार रस्त्यावर कोसळला. त्यानंतर टँकरचे चाक त्याच्या डोक्यावरून गेल्याने त्याचा जागीच मृत्यू झाला. याप्रकरणी वाघोली पोलिसांनी टँकर चालकाविरुद्ध गुन्हा दाखल केला आहे. बाबुलाल रामाजी चौधरी (वय ४८) असे अपघातातील ठार झालेल्या तरुणाचे नाव आहे. याप्रकरणी मुकेश समाराम चौधरी यांनी दिलेल्या तक्रारीवरून वाघोली पोलिसांनी टँकरचालक किरण बाजीराव राठोड (वय ५१) याच्याविरुद्ध भारतीय न्याय संहिता कलम १०६(१), २८१ तसेच मोटार वाहन कायदा कलम १८४ अन्वये गुन्हा दाखल केला आहे.
रॅपिडो चालकाला प्रवाशांकडून बेदम मारहाण; मनगट फ्रॅक्चर – सविस्तर बातमी
पोलिसांनी दिलेल्या माहितीनुसार, दुचाकीस्वार बाबूलाल चौधरी हे २४ जूनला दुपारी साडेचारच्या सुमारास केसनंद वाघोली रस्त्यावरून जात होते. त्यावेळी टँकर चालकाने दिलेल्या धडकेत बाबूलाल खाली पडला. टँकरचालक किरण राठोड याने वाहन निष्काळजीपणे व भरधाव वेगाने चालवत वाहतुकीच्या नियमांचे उल्लंघन केले. टँकरने बाबुलाल चौधर यांच्या दुचाकीला धडक दिली. धडकेनंतर चौधरी रस्त्यावर पडले असता टँकरचे चाक त्यांच्या डोक्यावरून गेल्याने त्यांचा जागीच मृत्यू झाला.
