वाकडेवाडी परिसरात अपघात
marathinews24.com
पुणे – ट्रकच्या धडकेत दुचाकीवरील तरुणाचा मृत्यू – भरधाव ट्रकच्या धडकेत दुचाकीवरील सहप्रवासी तरुणाचा मृत्यू झाल्याची घटना मुंबई-पुणे रस्त्यावरील वाकडेवाडी भागात घडली. अपघातात दुचाकीस्वार तरुण जखमी झाला. याप्रकरणी ट्रक चालकाविरुद्ध खडकी पोलिसांनी गुन्हा दाखल केला.श्रेयस सचिन पाटील (वय २०) असे मृत्युमुखी पडलेल्या सहप्रवासी तरुणाचे नाव आहे. अपघातात दुचाकीस्वार कृश विशाल पारख (वय २०, रा. इन्स्टिट्यूट ऑफ केमिकल टेक्नोलाॅजी, खालसा काॅलेजजवळ, माटुंगा, मुंबई) जखमी झाला आहे. याबाबत पारख याने खडकी पोलीस ठाण्यात फिर्याद दिली आहे. याप्रकरणी ट्रकचालक राहुल भीमराव तांदळे (वय ३० , रा. पनवेल, नवी मुंबई) याच्याविरुद्ध गुन्हा दाखल करण्यात आला आहे.
अॅप आधारित रिक्षा-टॅक्सी-सेवेच्या निर्णयाचे स्वागत- डॉ. बाबा कांबळे – सविस्तर बातमी
पोलिसांनी दिलेल्या माहितीनुसार, दुचाकीस्वार कृश आणि त्याचा मित्र श्रेयस हे सोमवारी (२८ जुलै ) दुपारी दीडच्या सुमारास मुंबई-पुणे रस्त्यावरील वाकडेवाडी भागातून निघाले होत. त्यावेळी वाकडेवाडीतील एसटी स्थानकासमोर पाठीमागून भरधाव ट्कने दुचाकीला धडक दिली. अपघातात सहप्रवासी श्रेयस गंभीर जखमी झाला. दुचाकीस्वार कृश हा जखमी झाला. अपघातात गंभीर जखमी झालेल्या श्रेयस याचा उपचारांपूर्वीच मृत्यू झाला होता. सहायक पोलीस निरीक्षक भोसले तपास करत आहेत.
