चिखली येथील कारवाई
marathinews24.com
पिंपरी – मेफेड्रॉन विक्रीसाठी आलेल्या एकाला ७.४८ ग्रॅम अंमली पदार्थसह मुंबईतील एकास अटक केली. गुरुवारी सायंकाळी पावणेसहा वाजताच्या सुमारास जाधववाडी, चिखली येथे ही कारवाई केली.
हातभट्टीसाठी साठवलेले ५० हजारांचे रसायन जप्त – सविस्तर बातमी
अमीरअली असगरअली सिद्दिकी (वय ३२, भांडुप (पश्चिम), मुंबई) असे अटक केलेल्या आरोपीचे नाव आहे. गुन्हे शाखा युनिट एकमधील पोलीस अंमलदार प्रमोद रोहिदास गर्जे यांनी याबाबत चिखली पोलीस ठाण्यात फिर्याद दिली आहे. आरोपीकडून ७ लाख ४८ हजार ९०० रुपयांचा मेफेड्रॉन व १० हजारांचा मोबाइल जप्त करण्यात आला. त्याने हा मेफेड्रॉन परवेज हसन खान (अंधेरी, मुंबई) याच्याकडून विकत घेतल्याचे निष्पन्न झाले.
