थेऊर फाटयाजवळ कारवाई
marathinews24.com
पुणे – गावठी हातभट्टी दारू धंद्यावर लोणी काळभोर पोलिसांनी कारवाईचा बडगा उगारला आहे. थेऊर फाटयाजवळ, राखपसरे वस्ती परिसरात सुरू असलेला दारूधंदा उध्वस्त करण्यात आला. त्याठिकाणाहून हातभट्टी दारु तयार करण्याचे साहित्य, २३५ लीटर हातभट्टी रसायन असा १२ हजारांचा ऐवज जप्त केला आहे. आरोपींविरूद्ध महाराष्ट्र दारुबंदी अधिनियम कलमानुसार लोणी काळभोर पोलीस ठाण्यात गुन्हा दाखल केला आहे.
तरुणाला पार्टटाईम जॉबचे आमिष पडले ११ लाखांना – सविस्तर बातमी
लोणीकाळभोर पोलीस ठाण्याच्या हद्दीतील थेउर फाटा परिसरात अवैधरित्या दारू निर्मितीची माहिती पोलिसांना मिळाली होती. त्यानुसार ७ डिसेंबरला वरिष्ठ पोलीस निरीक्षक राजेंद्र पन्हाळे, सहायक पोलीस निरीक्षक कृष्णा बाबर यांच्या पथकाने राखपसरे वस्ती, बेट वस्ती (ता. हवेली) याठिकाणी छापा टाकला. त्यावेळी एक महिला गावठी हातभट्टी दारु तयार करण्यासाठी लागणारे रसायण तयार करताना मिळून आली. लोणी काळभोर पोलीस ठाणे हद्दीतील अवैध धंद्यांचे समुळ उच्चाटण करण्याचे अनुषंगाने ११ महिन्याचे कालावधीत १०३ कारवाया करण्यात आल्या आहेत. अवैध गांजा विक्रीवर १४ कारवाया, अवैध जुगारांवर ३५ कारवाया, अवैध गुटखा विक्री, वाहतुक व साठाधारकावर कारवाई केली आहे.
