सहा जणांविरुद्ध गुन्हा
marathinews24.com
पुणे – आर्थिक व्यवहारातून दिलेल्या त्रासामुळे व्यावसायिकाने गळफास घेऊन आत्महत्या केल्याची घटना हडपसर भागात घडली. व्यावसायिकाला आत्महत्येस प्रवृत्त केल्याच्या आरोपावरुन ६ जणांविरुद्ध गुन्हा दाखल करण्यात आला.
मयूर महेंद्रकुमार भलानी (वय ४६, रा. सिद्धी गार्डन, ससाणेनगर, हडपसर) असे आत्महत्या केलेल्या व्यावसायिकाचे नाव आहे. याबाबत भलानी यांच्या पत्नीने काळेपडळ पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, ६ जणांविरुद्ध गु्न्हा दाखल करण्यात आला होता.
डेक्कन पोलीस ठाण्यातील दोघे कर्मचारी निलंबित – सविस्तर बातमी
पोलिसांनी दिलेल्या माहितीनुसार, भलानी व्यावसायिक आहेत. व्यवसायासाठी त्यांनी काही जणांकडून पैसे घेतले होते. आर्थिक व्यवहार, तसेच पैसे परत करण्यास उशीर झाल्याने त्यांना त्रास दिला. त्राासामुळे भलानी यांनी राहत्या घरात ३ जून रोजी गळफास घेऊन आत्महत्या केली. पतीला दिलेल्या त्रासामुळे त्यांनी आत्महत्या केल्याचे महिलेने दिलेल्या फिर्यादीत म्हटले आहे. पोलीस उपनिरीक्षक विनायक गुरव तपास करत आहेत.
