हडपसर-सासवड रस्त्यावर अपघात
marathinews24.com
पुणे – ट्रकच्या धडकेत दुचाकीस्वार व्यावसायिकाचा मृत्यू झाल्याची घटना हडपसर-सासवड रस्त्यावर ऊरळी देवाची परिसरात घडली. याप्रकरणी ट्रक चालका विरुद्ध फुुरसुंगी पोलिसांकडून गुन्हा दाखल करण्यात आला. राकेश अंबादास जन्नू (वय ५०, रा. रविराज काॅलेरेडो, कृमार पृथ्वीजवळ, कोंढवा) असे मृत्युमुखी पडलेल्या व्यावसायिकाचे नाव आहे. याप्रकरणी ट्रक चालकाविरुद्ध गुन्हा दाखल करण्यात आला आहे. याबाबत जन्नू यांचा चुलतभाऊ राहुल (वय ४२) यांनी फुरसुंगी पोलीस ठाण्यात फिर्याद दिली आहे.
मांजराने केलेल्या घाणीमुळे पेटला वाद – सविस्तर बातमी
पोलिसांनी दिलेल्या माहितीनुसार, दुचाकीस्वार राकेश हे हडपसर-सासवड रस्त्याने निघाले होते. भरधाव ट्रकने ऊरळी देवाची परिसरात त्यांना धडक दिल्याची घटना घडली. गंभीर जखमी झालेल्या राकेश यांच्यावर उपचार सुरू होते. उपचारादरम्यान त्यांचा मृत्यू झाला. अपघातानंतर पसार झालेल्या ट्रक चालकाचा शोध घेण्यात येत असून, सहायक पोलीस निरीक्षक पवार तपास करत आहेत.
शहर परिसरात गेल्या काही दिवसांपासून अपघातांच्या घटनांमध्ये वाढ झाली आहे. गंभीर स्वरुपाच्या वेगवेगळ्या अपघातात पादचाऱ्यांसह दुचाकीस्वारांचा मृत्यू झाला आहे. आठवडाभरात वेगवेगळ्या अपघातात पाच जणांचा मृत्यू झाला आहे. बहुंताश अपघात भरधाव वेगामुळे झाले आहेत.
