पीडित मुलीच्या आईने वाघोली पोलीस ठाण्यात दिली होती तक्रार
marathinews24.com
पुणे – सोसायटीच्या आवारात खेळणाऱ्या मुलीशी रखवालदाराने अश्लील कृत्य केल्याचा प्रकार उघडकीस आला. याप्रकरणी वाघोली पोलिसांनी रखवालदाराला अटक केली. अरविंद अरुण तिवारी (रा. सतना, मध्य प्रदेश) असे अटक केलेल्या रखवालदाराचे नाव आहे. याबाबत पीडित मुलीच्या आईने वाघोली पोलीस ठाण्यात फिर्याद दिली आहे.
कारवाईची भीती दाखवून ज्येष्ठाची १७ लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार महिला वाघोलीतील एका सोसायटीत राहायला आहे. आरोपी तिवारी हा सोसायटीत रखवालदार आहे. गुरुवारी (८ जानेवारी) सायंकाळी साडेपाचच्या सुमारास पीडित मुलगी सोसायटीच्या आवारात खेळत होती. त्यावेळी तिवारीने मुलीशी अश्लील कृत्य केले. घाबरलेल्या मुलीने या घटनेची माहिती आईला दिली. त्यानंतर सोसायटीतील रहिवाशांनी रखवालदार तिवारी याला जाब विचारला. तिवारी याला पकडून पोलिसांच्या ताब्यात देण्यात आले. तिवारी याच्याविरुद्ध बालकांचे लैंगिक अत्याचारांपासून प्रतिबंध संरक्षण कायद्यान्वये (पोक्सो) गुन्हा दाखल करण्यात आला. त्याला अटक करण्यात आली. पोलीस उपनिरीक्षक सुवर्णा इंगळे तपास करत आहेत.
