डॉ. गायकवाड हल्ला-खंडणी प्रकरणात १७ आरोपी निष्पन्न
marathinews24.com
पुणे – कॅन्टोन्मेंट बोर्डाचे माजी मुख्य वैद्यकीय अधिकारी डॉ. विद्याधर गायकवाड यांच्यावर झालेल्या जीवघेण्या हल्ला आणि पाच लाख रुपयांच्या खंडणीप्रकरणी ‘बिग बॉस’फेम Divya Shinde हिच्या पोलिस कोठडीत २ ऑक्टोबरपर्यंत वाढ करण्याचा आदेश प्रथमवर्ग न्यायदंडाधिकारी अमित कुलकर्णी यांनी दिला आहे. तपासात तब्बल १७ जणांचा सहभाग निष्पन्न झाला असून, हल्ल्यासाठी आठ दुचाकींचा वापर झाल्याचे पोलिस तपासात समोर आले आहे.
दगडूशेठच्या दर्शनासाठी चाललेल्या दाम्पत्याला लुटले – सविस्तर बातमी
हल्ल्यातील हत्यारे, मोबाइल फोन आणि अन्य डिजिटल पुरावे जप्त करणे बाकी असल्याने कोठडी वाढविण्याची मागणी पोलिसांनी केली होती. बुधवारी (दि. ३०) Divya Shinde न्यायालयात हजर करण्यात आले. तांत्रिक विश्लेषण, सीसीटीव्ही फुटेज आणि डॉ. गायकवाड यांच्या हल्ल्यात सहभागी असलेल्या आरोपींची माहिती समोर आली आहे. आठ दुचाकींवरून हे आरोपी घटनास्थळी आल्याचे तपासात निष्पन्न झाले आहे. तपास पथकाने ‘ब्लू नाईल’ हॉटेलचे सीसीटीव्ही फुटेज ताब्यात घेतले आहे.
त्यामध्ये आप्पा ढमढेरे, डॉ. गायकवाड आणि त्यांच्या मुलामध्ये पाच लाख रुपयांच्या खंडणीबाबत बैठक झाल्याचे दिसून येत असल्याचा दावा पोलिसांनी न्यायालयात केला. तपासात आप्पा ढमढेरे (रा. पिंपरी), निखील शिंदे, निखीलची होणारी पत्नी, ताहीर (रा. कोंढवा) यांच्यासह अन्य १३ अनोळखी व्यक्तींचा सहभाग निष्पन्न झाल्याचे सरकारी वकील आम्रपाली कस्तुरे यांनी न्यायालयात स्पष्ठ केले.
हत्यारे, मोबाइल जप्त करणे बाकी
हल्ल्यात वापरलेले लोखंडी हत्यार, लाकडी दांडके, स्वाक्षऱ्यांचे नमुने, हस्तलिखित मजकूर आणि हल्ल्याचे चित्रीकरण करणारा मोबाइल फोन अद्याप जप्त झालेला नाही. या वस्तूंच्या जप्तीसह गुन्ह्याच्या कटाचा उलगडा करण्यासाठी दिव्या शिंदेची कोठडी वाढवणे आवश्यक असल्याची मागणी सरकारी वकील कस्तुरे यांनी केली.
अँक्झायटी अटॅक’ लपवत असल्याचा पोलिसांची न्यायालयात माहिती
रिमांड रिपोर्टनुसार, चौकशीदरम्यान Divya Shinde तपासात सहकार्य करीत नसल्याचा पोलिसांचा दावा आहे. माहिती देण्यास टाळाटाळ करणे, अंगविक्षेप व आरडाओरड करणे तसेच ‘अँक्झायटी अटॅक’ (‘तीव्र चिंतावस्था’) आल्याचे सांगून माहिती लपविल्याचे पोलिसांनी न्यायालयात सादर केलेल्‍या अहवालात नमूद केले आहे.
